"Стенка на стенку" быел да Әлмәттә узачак

Командалар арасындагы "Стенка на стенку" ярышлары быел да Әлмәттә узачак. Көрәшчеләрне һәм тренерларны саллы гына приз фонды көтә.

Бу хакта безгә Әлмәт төбәгендә көрәш торышы һәм үсеше өчен җаваплы булган легендар көрәшчебез Ильяс Галимов хәбәр итте. Әйе, командалар арасындагы турнир быел да Әлмәттә узачак. "Алтын сөлге" исеме астында "Татнефть" оешмасы призларына үтәчәк бәйгедә уналты команда көч сынашачак. Командалар җиде үлчәү авырлыгында туплана. Ильяс Галимов белдергәнчә, беренче, икенче, өченче, дүртенче урынны яулаган командаларның һәр көрәшчесенә саллы гына приз фонды каралган. Моннан тыш, оештыручылар тренерларга да акчалата бүләк бирәчәк.

Турнир исә 22-23 март көннәрендә "Татнефть" спорткомплексында узачак.