Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      2864
      0
      6

    Таҗетдин Ялчыгол турында яңа китап тәкъдим ителә

    «Шәхесләребез» сериясендә «Таҗетдин Ялчыгол» дигән яңа китап дөнья күрде. Аны мәшһүр татар галименә багышлап «Җыен» фонды нәшер иткән. Җыентыкта Таҗетдин Ялчыголның кайбер әсәрләре, аның турында мәкаләләр, документлар, фотосурәтләр урын алган. 
    Милли зыялыларыбыз, мәшһүр шәхесләребез һәм алар эшчәнлегеннән ераграк торган бүгенге замана кешесе: “Кем соң ул Таҗетдин Ялчыгол?” дип сорарга да мөмкин.
    Таҗетдин Ялчыгол (1768 —1838) – күренекле татар мәгърифәтчесе, галим, тарихчы, язучы, табиб, дин әһеле. Татар мәдрәсәләрендә озак еллар балалар укыткан, китапларга аңлатмалар язган, шигъри парчалар калдырган, хәтта медицинага багышланган әсәрләр иҗат иткән, халык арасында табиблек белән шөгыльләнгән Таҗетдин Ялчыгол XVIII йөз азагы әдәбият тарихында билгеле урын били. Аның иң мәшһүр әсәрләре арасында борынгы төрки шагыйрь Суфи Аллаһияр иҗатына шәрехләмәләр: «Рисаләи Газизә» һәм «Шәрхе «Сөбател-гаҗизин», шулай ук «Тәварихы Болгария»,  «Сидрател-мөнтәһа» кебек тәрбияви, дидактик, дини-әхлакый, тарихи әсәрләр бар. Җәмгысе унбишләп әсәре, шул исәптән, үзенең оригиналь шигырьләре дә булуы билгеле.
    Таҗетдин Ялчыгол шәхесе һәм аңа багышланган китап турында күбрәк белергә теләгән кешеләр бүген, 24 майда 14.00 сәгатьтә Татарстан Республикасы Милли китапханәсенең Зур уку залында (Казан шәһәре, Кремль урамы, 33 йорт) тәкъдим итү кичәсенә килә ала. 
    Китапны җәмәгатьчелеккә тәкъдим итү кичәсендә аны басмага әзерләгән төзүчеләр Рөстәм Галиуллин һәм Ирек Һадиев, иҗат төркеме, галимнәр, мәгариф, мәдәният, дин әһелләре, язучылар, журналистлар, китап сөючеләр һәм Таҗетдин Ялчыголның нәсел дәвамчылары катнашуы көтелә, дип хәбәр итә ТР Милли китапханәсе. Шулай ук китапханәнең Зур уку залы фойесында мәгърифәтченең китапханә фондларында сакланган кулъязма һәм басма китапларыннан торган һәм аның бай иҗади эшчәнлеген яктырткан «Табышмаклы гомер иясе» дигән күргәзмә белән дә танышырга мөмкин булачак.
     

    Реклама
    Теги: Идел

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • "Внесудебное банкротство гражданина"
    • Кышкы язылу өчен бүләк от!
    • ӘДӘБИ СУД. ИДЕЛ.
    • "Единый налоговый платеж"
    • «ИДЕЛ»НЕҢ ИҢ МАТУР ТЫШЛЫГЫ!
    • ИДЕЛ. ЯШЬЛӘР ШУРАСЫ
    • КАЛЕБ. ЯҢА ДУЛКЫН
    • "Платим налоги - создаем будущее сегодня! "
    • Kazan digital week
    • Потребуй чек! Проверь чек!