Талпаннар да шашлык сезонын башлый

Чирәм чыга башладымы талпаннар иярү куркынычы яный башлый. Шашлык ашарга чыгарга җыенучылар, исегездә тотыгыз, сез дә кемдер өчен бик тәмле бер шашлыкка әйләнергә мөмкинсез.

Былтыр Рәсәйдә сезон 470 мең кеше, талпан ябышканга хастаханәгә мөрәҗәгать иткән.

Роспотребнодзор кисәтә, талпан сезоны инде ачылды. Өй хайваннары хужалары, ялларга шашлыкка барырга җыенучылар, игътибарлы булыгыз, үзегезне саклагыз.

Урман бете энцефалит һәм боррелиоз кебек авырулар йоктырырга  мөмкин.