Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      2079
      0
      6

    Тамбурлы чигү - татарның үзенчәлекле сәнгате

    Иртәгә Екатеринбург шәһәренең Урта Урал традицион халык мәдәнияте үзәгендә «Энә белән язу. Тамбурлы чигү сәнгате» дип исемләнгән төбәкара күргәзмә оештырыла. ТАССР төзелүнең 100 - еллыгына багышланган күргәзмә Свердловск өлкәсендә узачак Татар мәдәнияте көннәре кысаларында ачылачак, дип хәбәр итә Татарстан Милли музее матбугат үзәге.


    Декоратив-гамәли сәнгатьнең иң популяр төрләреннән берсе булган тамбур чигүе татар халык сәнгате кәсепләренең гасырларга сузылган традицияләрен чагылдыра. Кызлар кечкенәдән чигәргә өйрәнә, ә кияүгә чыкканда бирнә һәм туй бүләкләре әзерли. Чигелгән эшләнмәләр татар йорты интерьерын бизәүдә зур роль уйнаган. Стеналарда эленгән күп төстәге сөлгеләр, чиккән япмалар һәм ашъяулыклар, китаплар өчен футлярлар, шамаилләр (Коръән язулы дивар паннолары) аеруча эмоциональ атмосфера тудыра.


    Күргәзмә экспозициясендә Татарстан Республикасы Милли музее «тамбур» техникасында эшләнгән әйберләре һәм экспонат сурәтләре, шулай ук «Туран Арт» халык сәнгать һөнәр предприятиесе һәм Казан халык сәнгать һөнәрчелеге техникумы коллекцияләреннән эшләнгән әйберләр тәкъдим ителәчәк.

    Күргәзмәдә шулай ук Аракай авылының милли мәдәни комплексы, Урта Урал традицион халык мәдәнияте үзәге фондларыннан һәм шәхси коллекцияләрдән экспонатлар тәкъдим ителәчәк.
    Проектны оештыручылар хәбәр иткәнчә, күргәзмә 26 апрельгә кадәр эшләячәк.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • КАЛЕБ. ЯҢА ДУЛКЫН
    • "Платим налоги - создаем будущее сегодня! "
    • Kazan digital week
    • Потребуй чек! Проверь чек!
    • Милли китап һәм көйләр
    • Язылган өчен мотоблок, ТВ, планшет һәм башка бүләкләр от!
    • Өр-яңа акция!
    • Журналга онлайн язылу