"TAMGA": Яшүсмернең омтылышлары һәм проблемалары турында уйланулар

19-24 апрельдә Г.Кариев исемендәге Казан Татар дәүләт яшь тамашачы театрында " Tamga" режиссерлар лабораториясе узачак. Лабораториядә балалар һәм яшүсмерләр өчен спектакльләр чыгаручы яшь Мәскәү режиссерлары катнаша: Тимур Кулов, Тимур Шәрәфетдинов һәм Александр Кудряшов.

||| "TAMGA" режиссерлар лабораториясе куйган эскизларны карар өчен Мәскәү тәнкыйтьчеләре Владислава Куприна һәм Анна Казарина чакырылды. Быелгы тема - ”Мин. Мәктәп.Дөнья". Аның ярдәмендә тамашачыны яшүсмернең яшәеше,омтылышлары,проблемалары турында уйланырга чакыралар. Эскизлар Сөмбел Гаффарованың ”Самат һәм Кара Король"(6+), Дана Сидеросның "Всем кого касается"(12+) пьесалары һәм Селеста Ингның ”Все,чего я не сказала"(16+) романы буенча куелачак.

Шулай ук, режиссерлар татар сәхнәсе өчен көтелмәгән, четерекле темаларны кузгатачак: балалар белән өлкәннәр арасындагы упкын,уйдырма дөньяга китеп яшәү,мәктәп һәм анда үз урыныңны табу юллары.

24 нче апрель көнне эскизлар киң җәмәгатьчелеккә күрсәтеләчәк.

автор фотолары

Алинә Маликова, КФУ студенты