Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • Руль артында алкогольгә "Юк" дип әйт

    TAT CULT FEST программасы билгеле

    TAT CULT FEST 2021 яңа татар мәдәнияте халыкара фестивале Казан Кремлендә өч мәйданчыкта үтәчәк. Фестивальнең программасы игълан ителде.

    «Фестиваль кунаклары Туплар сарае комплексында Зур сәхнәдә, Яшерен (Тайницкая) манарада 3D-мэппинглы Электрон сәхнәдә һәм яшерен бер урындагы Мультимедиа сәхнәсендә чыгыш ясаячак», дип хәбәр итә оештыручылар. Фестивальдә Россия һәм дөньяның 11 шәһәреннән килгән башкаручылар һәм төркемнәр катнашачак.

    Төп кунакларның берсе — Elektro Hafiz төрек-алман төркеме. 2018 елда төркемнең продюсеры һәм кураторы Һафиз Европаның альтернатив саз уенчыларын җыеп, Saz Power альбомын чыгарган.

    Мультимедиа сәхнәсендә Lisokot һәм Сергей Летов чыгыш ясаячак. Lisokot — җырчы һәм рәссам, бөтен дөнья буйлап тавыш перформанслары куючы. Аның перформанслары анималистик мәсәлләре, костюмнары һәм бизәлеше белән үзенчәлекле тамашага әверелә.

    Казанга беренче мәртәбә Санкт-Петербургтан татар тамырлары булган Atariame киләчәк. TAT CULT FEST 2021 өчен ул уникаль татар музыкасы чыганакларына нигезләнгән махсус программа әзерли. Оештыручылар алман композиторы һәм саунд-продюсеры, AUTOPILOT музыкаль нәшрияты җитәкчесе һәм СТМ Берлин фестивале хезмәткәре Guido Mobius килүен дә вәгъдә итә.

    Реклама

    Фестиваль кунагы «АИГЕЛ» дуэты татар телендә «Пыяла» альбомын яздырган. Алар фестивальнең электрон программасында шул альбомнары белән беренче тапкыр чыгыш ясаячак. Программада ТР Дәүләт камера хоры да бар. Коллектив фестиваль өчен махсус программа әзерли. Шулай ук, гитарачы Әнвәр Измайлов үзенең триосы белән чыгыш ясаячак.

    Фестиваль программасына медиарәссамнар белән берлектәге чыгышлар, шрифтлар ясау, татар теле морфологиясе, лекторийләр, ачык студия һәм күп кенә башка нәрсәләр кертелгән.

        TAT CULT FEST 2021 яңа татар мәдәнияте халыкара фестивале Казан Кремлендә 30 август көнне 15:00 – 23:00 сәгатьтә узачак.

     

    Чыганак: Татар-информ

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Ышаныч телефоны
    • ИП ПАТЕНТ СИСТЕМАСЫНДА: НӘРСӘ БЕЛЕРГӘ КИРӘК?
    • Газета-журналларга язылган өчен - санаторийга ике юллама
    • Пушкин картасы
    • Милек өчен салымны түләү - 1 декабрьгә кадәр
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!