Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • Төрле телләрдә шигырьләр

    «Татар азаны» бәйгесенең җиңүчеләре билгеле. Котлыйбыз!

        “Рухи моң” проекты кысаларында уздырылган Республикакүләм «Татар азаны» бәйгесе нәтиҗәләре билгеле булды. Ул ТАССРның 100 еллыгына һәм Татарстанда игълан ителгән “Туган тел елы”на багышланган иде.

        Конкурста Татарстанның төрле почмакларыннан 150-дән артык ккеше катнашкан. Алар арасында Мәскәүдән, Әстерханнан, Свердловск өлкәсеннән һәм хәтта Австралиядән катнашырга теләк белдергәннәр. Җиңүчеләрне ике номинациядә: өлкәннәр һәм балалар төркемнәрендә билгеләделәр.

        Өлкәннәр номинациясендә катнашучылар азанны татар аһәңе белән әйтеп, видеога яздырганнар. Балалар азаннарын татар аһәңе белән дә, гарәп аһәңе белән дә әйтә алган, әмма җиңүчене сайлаганда өстенлек татарныкына бирелгән.

       Видеоязмалар Instagram социаль челтәрендә (лентага яки сториска) @ruhi.mon аккаунтын билгеләп, #татаразаны хештегы белән үзләренең битләрендә урын алды.  

    Реклама

       Жюри рәисләре итеп дин һәм милли көй өлкәсендәге белгечләр сайланды. Алар ясаган нәтиҗәләр буенча, балалар арасында абсолют җиңүче булып Теләче районының Олы Мәтәскә авылы егете -  12 яшьлек Данияр Нигъмәтҗанов танылды. 

        Өлкәннәр арасында III урынны Алексеевск районы Урта Тигәнәле авылы мәчетендә имам-хатыйбы - 31 яшьлек Рәмис Фәсахов алды. 

       II урынга ТНВ телеканалында алып баручы 49 яшьлек Илдар Кыямов ия булды.

       I урынны Әлмәттән 26 яшьлек мөгаллим Илзам Хаҗиев һәм Татарстанның атказанган артисты, 37 яшьлек Марсель Вәгыйзов бүлеште.  Марсель Вәгыйзов башкаруында азан ел дәвамында көн саен «Болгар радиосы» эфирында көненә 5 тапкыр яңгыраячак.

        III һәм II урынга ия булучылар, шулай ук Илзам Хаҗиев акчалата бүләкләр алды.

      Чыганак: dumrt.ru/

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • ИП ПАТЕНТ СИСТЕМАСЫНДА: НӘРСӘ БЕЛЕРГӘ КИРӘК?
    • Газета-журналларга язылган өчен - санаторийга ике юллама
    • Пушкин картасы
    • Милек өчен салымны түләү - 1 декабрьгә кадәр
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!
    • "Язмыш" газетасы