Логотип Идель
Яңалыклар

ТАТАР ТЕЛЕН ҮСТЕРҮЧЕ МАСКА! (Сынап карыйк)

Шушы көннәрдә танылган блогер, ТР Дәүләт Советы каршындагы Яшьләр парламенты рәисе урынбасары Азат Кашапов инстаграмны "шаулатты". Ничек дисезме? Инстаграмдагы "тарих"ка үзенең русча-татарча тәрҗемә маскасын кертте. Шул арада бик күп татар үзләрен ни дәрәҗәдә татар телен белгәннәрен тикшерергә дә өлгерделәр. Ә без Азатның үзе белән сөйләштек.

 Шушы көннәрдә танылган блогер, ТР Дәүләт Советы каршындагы Яшьләр парламенты рәисе урынбасары Азат Кашапов инстаграмны "шаулатты". Ничек дисезме? Инстаграмдагы "тарих"ка үзенең русча-татарча тәрҗемә ясый торган маска кертте. Шул арада бик күп татар үзләрен ни дәрәҗәдә татар телен белгәннәрен тикшерергә дә өлгерделәр. Ә без Азатның үзе белән сөйләштек.

   - Идея минеке, ләкин минем аңарчы якут теленнән урыс теленә тәрҗемә итә торган фильтрны күргәнем бар иде. Шуннан "Нигә әле татар телендә дә ясап карамаска? Бу бит татарларга бик ошаячак!" - дип уйладым. Шулай ук фильтр ТАССРның 100 еллыгы уңаеннан да ясалды, ди Азат

 

   Азат масканы ике көн элек ясаган, модерациядә хупланганнан соң, эстафета башланып киткән.

     - Мин аны өч кешегә генә тапшырган идем, алар дусларына җибәргәч, эстафета киң таралу алды. Хәзер карыйм - кем генә үзен тикшереп карамаган!

  Чыннан да, Азатның инста-тарихыннан (story) күренгәнчә, әлеге маска Нью-Йоркка кадәр барып җиткән. Блогерның таныш кызы да үзен сынап караган. 

    Фильтрда барлыгы 200гә якын артык сүз бар. Алар - без даими кулланган татар сүзләре, шуңа күрә тәрҗемә итәргә авыр түгел. Сүзләрнең 70 проценты - таныш сүзләр булса, 30-40 проценты исә һәр кеше белми торган сүзләр. (Мәсәлән, икътисад, шәфәкъ,шәҗәрә, һ.б)  

Фильтр бары тик рус теленнән татарчага гына тәрҗемә итә.  Азат татар теленнән рус теленә тәрҗемә итә торган тагын бер фильтр ясарга уйлый. 

- Анысы кыенга туры килергә мөмкин, сүзләрнең дә катлаулыракларын алачакмын, ди.

    Татарлар белән берләштерә

   Алда әйткәнемчә, масканы күп татарлар кулланырга өлгерде. Танышым Камилә Захаровада күргәч, фикерен беләсем килде: 

-  Мин бу масканы бик күп кешедә күрдем. Үземне тикшереп карарга уйладым - миңа ошады. Без инстаграмда вакытны барыбер бушка уздырабыз, ә монда маска ярдәмендә татар телен үстерә аласың, татарлар белән берләшәсең. Сүзләре дә төрле, араларында кыенлык тудыра торганнары да бар. 

фото һәм видео: инстаграмнан скрин

Текст после содержания указынный в настройках

«Идел» журналы 16+

Теги: 100 лет ТАССР татар теле, ТАССР Азат Кашапов

Следите за самым важным и интересным в Telegram-каналеТатмедиа

Нет комментариев

2
X