Татар яшьләре форумы бәйге игълан итә

Татар яшьләре форумы татар халкы белән бәйле истәлекле урыннар, шәхесләр һәм тарихи вакыйгалар турында Татар Википедиясендә яңа мәкаләләр булдыру буенча тематик бәйге игълан итә. Аны Бөтендөнья татар яшьләре форумы һәм Википедиа җәмгыятенең татар телле катнашучылары төркеме оештыра.

Татар 4.0 бәйгесе дүрт номинациядә үткәрелә:

Номинация #1: «Татарстанның истәлекле урыннары турындагы мәкаләләр»

Номинация #2: «Танылган татар сәясәт, дәүләт һәм җәмәгать эшлеклеләре турындагы мәкаләләр»

Номинация #3: «Татарстан һәм татарлар тарихыннан бер вакыйга турындагы мәкаләләр»

Номинация #4: «Иң яхшы мәктәп командасы». 2019 нчы елгы «Мин татарча сөйләшәм» акциясе кысаларында үткәрелә, һәм Татарстан мәктәп укучыларын Татар Википедиясендә язуга җәлеп итә.

Җиңүчеләрне 20 мең һәм 10 мең сумлык бүләкләр көтә.

Бәйге турында тулырак шушы сылтама аша үтеп белергә мөмкин.