Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    • Tat Cult Lab/Music 2021: музыкаль лаборатория сезне көтә! Беренче тапкыр Tat Cult Lab/Музыка 2018 нче елда үткәрелде һәм «Соль» клубындагы концерт белән тәмамланды. 2019 нчы елда музыкантлар Камал театрының зур сәхнәсендә яңа җырлар башкардылар.
      306
      0
      0
    • МИЛЛИ КИТАПХАНӘ КИТАПЛАР ҖЫЯ Материалларның бер өлеше комплектлау һәм саклау бүлегенә эләгә, ә икенче өлеше китап киштәләренә куелачак. Китаплар һәм материаллар яхшы хәлдә булырга тиеш
      764
      0
      0
    • Коронавирустан йөз меңнән артык табиб үлгән 2020 елның гыйнварыннан алып быелның май аена кадәр ковидтан вафат булган медицина хезмәткәренең саны 115 мең булырга мөмкин.
      869
      0
      0
    • Нияз Игъламов яңа вазифага билгеләнде Татарстан Республикасы Мәдәният министрлыгы каршындагы Иҗтимагый совет рәисе вазифасын моңа кадәр Татарстан Республикасының атказанган мәдәният хезмәткәре Марсель Таишев башкарды.
      874
      0
      0
    Видео
    • НАРКОТИКЛАРГА - ЮК

    Татарстан Милли китапханәсенә Швеция бүләге

    Китапханәбезнең тугъры дусты, Швециядә яшәүче милләттәшебез Төркәр ага Соуккан Татарстан Республикасы Милли китапханәсенең кулъязмалар һәм сирәк китаплар бүлегенә янә 57 данә кыйммәтле һәм сирәк китаплар бүләк итте, дип хәбәр итә китапханәнең рәсми сайты.

    Бүләк ителгән басмалар татар, төрек, фин, швед һәм инглиз телләрендә. Китапларның күп өлешен иганәче, язучы Хәсән Хәмидулла язган һәм бастырып чыгарган басмалар тәшкил итә. Арада аның тарафыннан 1943 елда Финляндиянең Кеми шәһәрендә мөселман хәрби әсирләре өчен махсус бастырылган Коръән китабы да бар. Аның кереш сүзе фин, татар һәм немец телләрендә бирелгән. Китап кечкенә форматта Казан шрифтында басылган, тышлыкта йолдыз һәм ай сурәтләнгән. Бу сирәк һәм кыйммәтле басма хәзер Милли китапханә фондында сакланачак.
    Бүләк ителгән китаплар арасында Хәсән Хәмидулланың татар телендә гарәп графикасында нәшерт ителгән «Йолдызларга сәяхәт» (1947) хикәясе күк җисемнәре белән таныштыра. «Алдым-бирдем» (1976), «Карак» (1974) пьесалары татарлар тормышы, яшәеш-көнкүреше, традицияләре турында сөйли.
    Хәсән Хәмидулла чыгарган телефон номерлары кенәгәсе дә бик кызыклы, ди китапханә хезмәткәрләре. Кенәгәдә 1970 нче еллар башында Финляндиядә яшәгән мөселманнарның телефон номерлары тупланган. Шуларга өстәп Коръәннән өзекләр, Пәйгамбәребезнең хәдисләре, үгет-нәсыйхәткә өндәүче кыска хикәяләр дә урын алган.
    Тупланмада татар телендә гарәп графикасында чыккан «Финляндия ислам мәҗәлләсе» кулъязма журналы да бар. Журнал айга бер тапкыр Финляндиянең Тампере шәһәрендә Фатих Арат мөхәррирлегендә дөнья күргән, анда ислам дине тарихыннан гыйбрәтле хикәятләр, хәдисләр басылган. Төркәр Соуккан китапханәгә аның 1949 елгы дүрт санын җибәрде.

    2018 елдан алып Төркәр ага Соуккан Милли китапханә фондына 100дән артык китап-журнал тапшырды. Китапханә җитәкчелеге бәһасез һәм зур фәнни-мәдәни әһәмияткә ия булган бүләк өчен милләттәшебезгә олы рәхмәтен белдерә.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Милек өчен салымны түләү - 1 декабрьгә кадәр
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!
    • "Язмыш" газетасы
    • Китап тыңла!
    • Kazan Digital Week-2021 (1)
    • ТАВЫШ БИР: Иң матур җырчы гаиләсе