Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • Руль артында алкогольгә "Юк" дип әйт

    ТАТАРСТАН УҢЫШЫН МӘСКӘҮДӘ ТАНЫДЫЛАР

    «Россия Федерациясе оборонасын ныгытуга керткән өлеше өчен» медале белән Татарстан Республикасы премьер-министры Алексей Песошин, Россия Федерациясе Оборона министрлыгының Мактау грамоталары белән Татарстан Республикасы мәдәният министры Ирада Әюпова һәм 1941-1945 еллардагы Бөек Ватан сугышы музей – мемориалы мөдире Александр Александров бүләкләнәчәк.

    Бу хакта Татарстан Милли музееның матбугат үзәге хәбәр итә.Бүләкләр тапшыру 17 декабрьдә Мәскәүдә узачак. Республиканың илнең оборона өлкәсендә ведомствоара мәгълүмати хезмәттәшлек системасын үстерүгә керткән өлеше шулай билгеләп үтелде.

    Татарстан вәкилләре илнең оборона мәсьәләләре буенча VII ведомствоара фәнни-гамәли конференциясен үткәрүгә үз өлешләрен керттеләр. Конференция 26 ноябрьдә РФ оборона идарәсе Милли үзәгендә (Мәскәү) узды, аның Рәисе-илнең Хәрби ведомство башлыгы Сергей Шойгу булды.

    Реклама

    Россия Оборона министрлыгы, дәүләт хакимияте органнары, дәүләт корпорацияләре, бизнес, фәнни-тикшеренү оешмалары, югары уку йортлары, мәдәният учреждениеләре вәкилләре – Мәскәүдән һәм төбәкләрдән барлыгы 600 дән артык делегат катнашты. Форумның темасы «РФ оборона өлкәсендә бурычларны хәл иткәндә ведомствоара мәгълүмати хезмәттәшлек системасы».

    1941-1945 еллардагы Бөек Ватан сугышы музей-мемориалы конференция кысаларында «Татарстан – җиңүнең тыл базасы» күргәзмәсен тәкъдим итте. Милли музей аны ТР Мәдәният министрлыгы, республика Дәүләт архивы, Татарстан предприятиеләре музейлары, «Ватан»төбәк яшьләр берләшмәсе белән берлектә әзерләде.

    Сугышта Казанда һәм республикада эшләгән заводларның продукция үрнәкләре, уникаль документлар һәм фоторәсемнәр тәкъдим ителде. Предметларның бер өлеше Татарстан башкаласы предприятиеләре: Горбунов исемендәге авиазавод – «Туполев» ҖАҖ филиалы, оптик-механика һәм электротехника заводлары, моторлар төзү җитештерү берләшмәсе, шулай ук Горький исемендәге Яшел Үзән заводы ярдәмендә күргәзмәгә эләкте.

     

    «Конференциядә үз күргәзмәләрен 10-12 төбәк әзерләдек, - дип билгеләп үтте Александр Александров. – «Ватан» берләшмәсе биргән ПЕ-2 бомбардировщигының винты бездә иң күренекле экспонат булды. Тагын тамашачыларны бигрәк тә Казанның 22нче авиазаводы директоры Василий Окуловның шинеле җәлеп итте».

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Ышаныч телефоны
    • ИП ПАТЕНТ СИСТЕМАСЫНДА: НӘРСӘ БЕЛЕРГӘ КИРӘК?
    • Газета-журналларга язылган өчен - санаторийга ике юллама
    • Пушкин картасы
    • Милек өчен салымны түләү - 1 декабрьгә кадәр
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!