Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      2840
      0
      6

    Булат Хәбибрахманов: Көтелмәгән җиңү

    Бүген Мамадыш районының Түбән Ушма авылында "Татарстан яшьләре" газетасы призларына татарча көрәш буенча республика беренчелеге узды.

    17-18 яшьлек егетләр арасында команда беренчелегендә, һич тә көтмәгәндә, Казанның Авиатөзелеш һәм Яңа Савин районы командасының берләштерелгән командасы беренче урынны яулады. Икенче урында -Теләче, өченче урында - Әлмәт командалары.
    Шул уңайдан без җиңүче команданың тренерларыннан булган Булат Хәбибрахманов белән элемтәгә кердек һәм әлеге уңыш серләре турында сораштык.

    - Бу әлбәттә, бөтенләй дә көтелмәгән җиңү булды. Без моңа хәрәкәт иттек, ләкин шундый уңышка ирешербез дип бөтенләй дә уйламаган идек, - диде Булат әфәнде. Бәлки җирәбә шулай туры килгәндер, бәлки берәр югары көчләр үз ролен уйнагандыр, ләкин без барыбер җиңдек. Мамадышка барганда без беренче өчлеккә керү максатын гына куйган идек. 

    Реклама

    Сер түгел, (мин үзем алындымда да моны яшермим, һәм коллегаларымнан да моны яшермим) үземне тренер буларак ачарга максат итеп куйдым, чөнки минем Николай Крылов, Илһам Волков, Фәрит Шәйхетдинов  кебек остазларым бар иде. Мин аларның мәктәбен үттем, һәм әлбәттә, әлеге уңышны "без" категориясе белән билгелим. Әлбәттә, зур өстенлеккә дә ирешеп булыр иде, ләкин ансы инде башка мәсьәлә. 

    Бу беренче чиратта, "Ак Барс" көрәш мәктәбе клубының зур уңышы. Ни өчен бу җиңүне көтмәделәр? Чөнки Казан командаларының инде күптән зур уңышка ирешкәннәре юк иде. Шәһәрдә татарча көрәш юк дигән караш яши. Мине шунсы сөендерә, беренче буларак безнең җитәкчелеккә икенче урында калган команданың җитәкчеләреннән берсе Азат Нурмөхәммәтов шалтыратып котлаган.

    Әлбәттә инде, бу җиңүдә мин Казан хакимимяте ролен билгеләп үтәр идем. Алар безгә Мамадышка бару чыгымнарын капладылар, безгә кунарга, ашарга мөмкинлек тудырдылар, шуңа күрә, мин шәһәрнең спорт комитеты җитәкчесе Ирина Востриковага аерым рәхмәтемне белдерәм. Һәм инде әлбәттә, тагын бер кабатлап "Ак Барс" көрәш сараеның зур уңышы. Безнең җитәкчелеккә, аерым алганда Айрат Гайнетдинов һәм Фәрит Шәйхетдиновка зур рәхмәтләремне белдерәм.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Кышкы язылу өчен бүләк от!
    • ӘДӘБИ СУД. ИДЕЛ.
    • "Единый налоговый платеж"
    • «ИДЕЛ»НЕҢ ИҢ МАТУР ТЫШЛЫГЫ!
    • ИДЕЛ. ЯШЬЛӘР ШУРАСЫ
    • КАЛЕБ. ЯҢА ДУЛКЫН
    • "Платим налоги - создаем будущее сегодня! "
    • Kazan digital week
    • Потребуй чек! Проверь чек!
    • Милли китап һәм көйләр