Татарстанда коронавирусның 84 яңа очрагы теркәлгән

Бүген Татарстанда коронавирусның 84  яңа очрагы теркәлгән. Барлыгы Россиядә бер тәүлек эчендә 10 598 очрак табылган.

Кичә 61 яңа очрак теркәлгән иде.

28 кешене хастаханәгә алып киткәннәр, 56 кеше җиңел формада авырганлыктан дәвалануны өендә уза.

1 очрак чит илдән кергән, калганнары инфекцияне якыннары белән контактка кереп йоктырган.

18 яшькә кадәрге 3 бала,
18 яшьтән 30га кадәр – 15 кеше,
30дан 50гә - 25,
50дән 60ка – 12,
60тан 70 яшькәчә - 15,
70тән 80 яшькә кадәр - 9, 
80нән 90гача 5 кеше теркәлгән.

Географиясе буенча карасак:

Казан – 51,
Яр Чаллы – 8,
Апас - 10,
Биектау - 5,
Зәй - 1,
Яшел Үзән - 2,
Лаеш -2,
Түбән Кама - 4,
Тукай районында 1 кеше теркәлгән.

Татарстанда барлык период эчендә 2064 кешедә коронавирус табылган. 

Барлыгы 1006 кешене (соңгы тәүлектә 163 кеше чыккан) хастаханәдән чыккан.