Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • Руль артында алкогольгә "Юк" дип әйт

    Татарстанда 170 меңгә якын үзмәшгуль теркәлгән

    Татарстанда 2021 ел ахырына кече һәм урта бизнес, шәхси эшмәкәрләр һәм үзмәшгульләр саны 780 меңнән артып киткән. Шул ук вакытта үзмәшгульләр саны якынча 170 меңгә  җиткән.

    Һөнәри керемгә салым түләүчеләр саны арту белән бергә аларның тулаем суммар кереме дә арта бара – махсус салым режимы гамәлдә булган вакытта Татарстанның үзмәшгульләре 40,6 млрд.сум акча эшләгән, дип хәбәр итә ТР Икътисад министрлыгының матбугат хезмәте.

    Республикада үзмәшгульләргә ярдәм итү өчен ташламалы программалар эшләнде. Мәсәлән, алар махсус микрозаймнан файдалана ала: үзмәшгульләр өчен елына 6% белән 3 айдан 24 айга кадәр үз эшләрен үстерү өчен теләсә нинди чыгымнарга 500 мең сумга кадәр җитә. Шул ук вакытта Татарстан Республикасының Гарантия фонды микрозайм суммасыннан 50%-ка кадәр күләмдә поручительлек бирә. 2021 елда мондый ярдәмнән 85 үзмәшгуль файдаланган, аларның гомуми суммасы 13 млн.сумнан артык.

    Моннан тыш, узган ел республика бюджетыннан субсидияләү программасы эшли башлады, ул үз эшеңне башлап җибәрергә ярдәм итә. Әлеге программа буенча 305 кеше эшмәкәрлек эшчәнлеге алып бару өчен 50 млн.сумлык түләүсез субсидияләр алган.

    Реклама

    «Минем бизнес» үзәгендә һәм «Тикшерелгән бизнес» порталы белгечләре аша кирәкле мәгълүматны белергә һәм белгечләр белән киңәшләшергә мөмкин.

    Быел үзмәшгульләр өчен ташламалы финанс инструментларына керү мөмкинлеге сакланачак. Моннан тыш, алар өчен укыту программаларын арттыру һәм продукцияне маркетплейсларга чыгаруда ярдәм итү планлаштырыла.

    Исегезгә төшерәбез, үзмәшгульләргә ярдәм чаралары «Кече һәм урта эшмәкәрлек һәм шәхси эшмәкәрлек инициативасына ярдәм» илкүләм проекты буенча мөмкин булды.

    Чыганак: kzn.ru

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • ИП ПАТЕНТ СИСТЕМАСЫНДА: НӘРСӘ БЕЛЕРГӘ КИРӘК?
    • Газета-журналларга язылган өчен - санаторийга ике юллама
    • Пушкин картасы
    • Милек өчен салымны түләү - 1 декабрьгә кадәр
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!
    • "Язмыш" газетасы