Логотип Идель
Яңалыклар

Татарстанда 500 гә якын әти ана капиталы алган

1 нче майдан ир-атларга дәүләт ярдәменең әлеге чарасын алырга мөмкин булган тормыш ситуацияләре исемлеге киңәйтелде.

Татарстанда гаиләләргә ярдәм итү программасын гамәлгә ашырганнан бирле 500 дән артык әти ана капиталына ия булды. 1 нче майдан ир-атларга дәүләт ярдәменең әлеге чарасын алырга мөмкин булган тормыш ситуацияләре исемлеге киңәйтелде.

Хәзер ана капиталына 2007 елның 1 нче гыйнварыннан башлап туган икенче, өченче яки аннан соңгы бала тәрбияләүче аталар яки уллыкка алучылар, шулай ук 2020 елның 1 нче гыйнварыннан туган беренче баланың әтиләре яки уллыкка алучылар (РФ гражданлыгы булмаган бу балаларның әнисе үлгән очракта) ана капиталына дәгъва итә.

Татарстан буенча Пенсия фонды бүлеге искәрткәнчә, әгәр суд карары законлы көченә 2007 елның 1 нче гыйнварыннан башлап керсә, дәүләт ярдәменең өстәмә чараларыннан файдаланмаган икенче, өченче яки аннан соңгы баланы уллыкка алучылар элеккечә үк финанс ярдәме ала ала. Моннан тыш, әгәр дә суд карары законлы көченә 2020 елның 1 нче гыйнварыннан башлап керсә, дәүләт ярдәменең өстәмә чаралары хокукыннан файдаланмаган беренче баланы уллыкка алучыларга ана капиталы бирелә.

«Ир-атлар да, әнинең тупланма пенсиясен формалаштырудан тыш, капитал акчасын хатын-кызлар кебек үк тота ала», - дип аңлатты Россия Пенсия фондының ТР бүлеге идарәчесе Эдуард Вафин.

Ана капиталын рәсмиләштерү өчен әтигә яки уллыкка алучыга дәүләт хезмәтләре порталында яки күп функцияле үзәктә гариза бирергә кирәк.

Россия гаиләләренә ярдәм итү буенча дәүләт программасын гамәлгә ашырганнан бирле Татарстанда 360 меңнән артык сертификат бирелгән, дип хәбәр итә ТР буенча Пенсия фонды бүлеге матбугат хезмәте.

Чыганак: kzn.ru

Текст после содержания указынный в настройках

«Идел» журналы 16+

Следите за самым важным и интересным в Telegram-каналеТатмедиа

Нет комментариев

2
X