Татарстанда меңнән артык кеше коронавирустан дәвалану уза

Бүген Татарстанда коронавирусның 49 яңа очрагы теркәлгән.

Авыраучылар арасында 1 очракны чит илдән кергән, калганнарын якыннары белән аралашудан барлыкка килгән дип саныйлар. 14 кешене хастаханәгә алып киткәннәр, 35 кеше җиңел формада авырганлыктан дәвалануны өендә уза.        

Яңа авыраучыларның яше буенча карасак:        
18 яшькә кадәр 1 бала,
18 яшьтән 30га кадәр – 6 кеше,        
30дан 50гә - 18,        
50дән 60ка – 9,        
60тан 70 яшькәчә -12,    
70тән 80 яшькә кадәр 3 кеше. 

  Географиясе буенча:        
Казан – 22,        
Яр Чаллы – 14,
Әлмәт - 2,
Әтнә-2,
Биектау - 1,
Алабуга - 1,
Яшел Үзән - 2,
Түбән Кама - 1,
Норлат - 1,
Чирмешән районында 1 кешедә коронавирус инфекциясе табылган.         

Татарстанда барлыгы 3823 кешедә коронавирус теркәлгән була. 2806 кеше терелеп чыккан. Соңгы тәүлек эчендә 21 кеше терелеп чыга.  Хәзерге көндә 1006 кеше дәвалану уза.