Татарстанда салкыннар көтелә

Бүген Татарстанда кискен салкын һава көтелә. Бу хакта ТР Гидрометеорология үзәге хәбәр итә.

Төнлә һәм иртән минималь һава температурасы -15..-20°, аязган вакытта -21..-26°. Көндез максималь һава температурасы -9..-14°, көнчыгыш районнарда -19°. Юлларда бозлавык булырга мөмкин.

29 гыйнварда төнлә салкын, температура -12..-17°, көнчыгыш районнарда һәм аязган вакытта -18..-23°. Көндез -4..-9°, көнчыгышта -12°. Моннан тыш, аязучан болытлы һава көтелә, кар, көндез урыны белән буран.

30 гыйнварда, төнлә температура -6..-11°, көнчыгыш районнарда һәм аязган вакытта -16°, көндез 0 ° ка кадәр..-5°.

31 нче гыйнварда һәм 1 нче февральдә, җылы һава көтелә, урыны белән кар, җил көньяк-көнбатыштан. Төнлә һава температурасы -2..-7°, көндез 0..-5°.

Фоточыганак: pixabay.com