Татарстанда яшьләр өчен грант алуга гаризалар кабул ителә башлады

Татарстанда яшьләр өчен грант конкурсына гаризалар кабул итү башланды. Катнашучылар социаль проектны гамәлгә ашыруга 300 мең сумга кадәр акча алырга мөмкин.

Гаризалар 14 номинация буенча кабул ителә:

• яшьләрнең иҗади инициативалары;
• сәламәт яшәү рәвешенә теләктәшлек буенча инициативалар;
• яшьләрнең туризмга теләктәшлек инициативалары;
• патриотик тәрбия;
• яшьләрнең волонтерлык инициативалары;
• яшьләр медиасы;
• яшьләрнең фәнни инициативалары;
• социаль эшмәкәрлек;
• яшьләр арасында тискәре күренешләрне профилактикалау;
• инвалид яшьләргә ярдәм итүгә юнәлдерелгән инициативалар;
• гаилә кыйммәтләрен ныгыту;
• карьера һәм профессиональ үзүсеш;
• мәдәниятара коммуникацияләр һәм милләтара багланышлар;
• яшьләргә психологик ярдәм күрсәтү механизмнарын үстерү.

Конкурста 18-35 яшьлек Татарстан халкы катнаша ала. Проектлар «Минем субсидияләр» платформасында 2 нче мартка кадәр кабул ителә. Бер ай дәвамында экспертлар инициативаларны караячак, шуннан соң җиңүчеләрне игълан итәчәкләр. Конкурсның гомуми приз фонды 7 млн сум тәшкил итә. Өстәмә мәгълүмат министрлык сайтында урнаштырылган.