Логотип Идель
Яңалыклар

Татарстанның киләчәген кемнәр төзи?

Бүген Казанда «Татарстанның киләчәген бергә төзибез» исемле эшче яшьләр конгрессы башланып китте. Өч көн дәвамында, ягъни 22 декабрьгә кадәр катнашучы яшьләрне мастер-класслар, дискуссияләр көтә.

Бүген Казанда «Татарстанның киләчәген бергә төзибез» исемле эшче яшьләр конгрессы башланып китте. Өч көн дәвамында, ягъни 22 декабрьгә кадәр катнашучы яшьләрне мастер-класслар, дискуссияләр көтә. Анда яшь хезмәткәрләр белән предприятиеләрнең эш нәтиҗәлелеген бәяләү критерийлары һәм яшьләргә социаль ярдәм чаралары турында фикер алышачаклар.

ТР Яшьләр эшләре буенча министрының беренче урынбасары Тимур Сөләйманов әйтүенчә, конгресс - эшләүче яшьләрнең фикерләрен бергә туплау мөмкинлеге. "Чарада катнашучылар Татарстан республикасының төрле предприятиеләрендә һәм оешмаларында эшләүче өч меңнән артык кеше армиясен тәкъдим итәчәк. Конгресс кысаларында без аларның теләкләрен һәм тәкъдимнәрен ишетәчәкбез", - диде ул матбугат конференциясендә.

Шулай ук бу конгресста яшь белгечләр белән эшләү сыйфатына һәм яшьләр сәясәтен гамәлгә ашыручы предприятиеләрнең эш нәтиҗәлеген дә бәяләү критерийлары турында фикер алышу булачак.

Бу хакта ТР предприятиеләре һәм оешмаларының яшьләр берлеге рәисе, Конгрессны оештыручыларның берсе Айдар Сәгетдинов сөйләде:
"Татарстан яшьләре яңа коллективта эшләү, профессиональ үсеш һәм даими белем алу турында борчылалар. Аларның шулай ук дәүләттән социаль гарантияләргә, буш вакытны һәм ялны сыйфатлы итеп оештыруга карата үз сораулары бар. Предприятиеләрнең яшьләр активын берләштереп, республикада эшче һөнәрләрнең дәрәҗәсен күрү - безнең мксат" - диде оештыручы.


Моннан тыш, Конгресс кысаларында 20 декабрьдә эшләүче яшьләр белән хезмәттәшлек буенча Координация советының беренче утырышы узачак. Аның составына республика министрлыклары һәм ведомстволары башлыклары урынбасарлары, эре предприятиеләр җитәкчеләре керәчәк. Советны Татарстан Яшьләр эшләре министры Дамир Фәттахов җитәкли.


Солтан Исхаков фотолары

Текст после содержания указынный в настройках

«Идел» журналы 16+

Теги: Яшьләр

Следите за самым важным и интересным в Telegram-каналеТатмедиа

Нет комментариев