Түбән Камада бер баланы эт тешләгән

Түбән Кама районының Кызыл Чишмә бистәсендә иясез этләр баланы тешләгән. Бу хәл турында кызның әтисе социаль челтәрләрдә язган:

"Баланы тиз арада тикшерергә алып барырга туры килде. Нәтиҗәдә сигез укол ясадылар.  Кызым этне котыртмаган, кулларын да селтәнмәгән. Тыныч кына барган җирендә, эт килеп тешләгән", - дигән ир. Фикерен раслау өчен прививка турында документын да урнаштырган. Аның язмасына җирле халык кызганып язган."Мескен бала. Мин хайваннарны яратсам да, көтү-көтү килгәндә куркыныч",  "Этләрне атарга да кызганыч, ләкин кешеләр дә газап чигәргә тиеш түгел бит. Өстәвенә балалар",

"Анда этләр көтүе даими йөри. Һаман чараларын күрмиләр" , - диеп язучылар бар.