Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • 70 меңлек грант откан Наилә Галеева: “Ярты еллык мотивация алдым” 6-12 декабрь көннәрендә Казанда унберенче “Яшь татар лидеры мәктәбе” уздырылды. Россиянең 16 төбәгеннән килгән лидерлар “Идел” яшьләр үзәгенә җыелып, гамәли дәресләргә, лекцияләргә йөрделәр, шулай ук үзләренең проектлары турында фикер алыштылар. Нәтиҗәдә өч активистка акчалата грант бирелде. Без әлеге җиңүче яшьләр белән сөйләштек.
      31
      0
      0
    • Чизкейк рецепты «Идел» юбилеена классик Нью-Йорк чизкейгы пешерергә булдым. Чизкейк – Америка кухнясының традицион сые, соңгы елларда дөнья буйлап киң таралды.
      60
      0
      0
    • Анастасия Заворотнюк параличланган булуы турындагы хәбәр дөреслеккә туры килми Кичә бик күп матбугат чаралары актриса Анастасия Заваратнюкның гомерлеккә параличлануы турында язып чыккан иде. Мондый "фараз"ның чыганагы телеграм порталында булуы ачыкланды.
      163
      0
      0
    • Бүләк бирешү мәхәббәтне арттыра Никахны катлауландыра торган тагын бер күренеш бар бүген. Кызларыбыз, егетләребез утыз-утыз биш яшькә хәтле гаилә кормыйча яши. Матди максатларны беренче урынга чыгару бу.
      246
      0
      0
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      914
      0
      5

    Тәфсир елы уңаеннан «Коръән нуры» күргәзмәсе

    Мәгълүм булганча, Татарстан Республикасы мөселманнарының Диния нәзарәте президиумы 2019 елны Тәфсир елы дип игълан иткән иде. Әлеге уңайдан 2019 елның 9 апрелендә көндезге сәгать 2дә Татарстан Республикасы Милли китапханәсенең Күргәзмәләр залында (Казан, Кремль ур., 33 йорт) «Коръән нуры» күргәзмәсе ачыла.

    Коръәни Кәрим – кешелек тарихында бөек үзгәрешләр ясаган һәм кешеләрнең яшәү рәвешен үзгәрткән олуг китап. Коръән кебек тәэсирле, төгәл һәм шул ук вакытта чиксез серле китап дөньяда юк. Инде менә 14 гасыр дәвамында Коръәни Кәрим төрле яктан өйрәнелә. Әмма Коръәннең иге-чиге юк, югарыда әйтелгәнчә, ул – могҗизалы бөек бер китап. Гали хәлифә: «... Коръән – тирәнлеген кеше акылы белән аңлап бетергесез бер диңгездер», – дигән.

    Коръәни Кәримнең татар дөньясы, Казан һәм республикабыз белән белән берничә гасырлык ныклы бәйләнешләре бар. Горурланырлык хәл – татарлар иң беренче итеп Коръәнне бастырып чыгарган. Аннары ХХ гасыр башында Согуд Гарәбстанында да Коръәннең басма вариантлары чыга. Татарстанның беренче Президенты Миңтимер Шәймиев, моны ассызыклап: “1803 елда Коръәннең иң беренче мөселман басмасы нәкъ менә Казан типографиясендә чыккан. Аны мөселман дөньясында «Казан басмасы» дип атыйлар һәм классик Коръән дип саныйлар. Ул заманнарда мөселман илләрендә нәшер ителгән Коръәннәр шушы Казан нөсхәсе нигезендә басылганнар”, дигән иде.  

    Реклама

    2016 елда Коръәннең “Казан басмасы” яңа редакциядә чыкты. Монда халыкара стандартларга нигезләнелде һәм татарларның мәшһүр дин белгечләре Муса Бигиев, Шиһабетдин Мәрҗәни күрсәткән төзәтмәләр истә тотылды. Шулай ук татарлар дөньяга ышанычлы тәфсир авторларын да бирде. Татар дин галимнәре, Коръән тәфсире авторлары Шәйхелислам Хәмиди һәм Морат Рәмзинең юбилейлары уңаеннан, шулай ук Нәзарәт тарафыннан рус, татар телләрендә Коръән тәфсирләре чыгарылуны истә тотып, Татарстан Республикасы мөселманнарының Диния нәзарәте президиумы 2019 елны Тәфсир елы дип игълан итте. 

    Милли китапханә фондларында сакланучы кулъязма һәм басма Коръән нөсхәләреннән, Коръән тәфсирләреннән һәм тәрҗемәләреннән, Коръәнгә багышланган хезмәтләрдән торган күргәзмә дә шул уңайдан һәм 5 майдан башланачак Рамазан аен каршылап уздырыла. Күргәзмә 9 апрельдән 14 апрельгә кадәр эшләячәк. 

    Күргәзмәнең исеме юкка гына «Коръән нуры» дип аталмады. Моның сәбәбе шунда ки, Коръән – китап кына түгел, ул үзе үк нур, Аллаһы тарафыннан иңдерелгән, яктылык таратып торучы мәңгелек нур.
    Милли китапханә матбугат үзәге хәбәр итүенчә, күргәзмәне ачу тантанасында Ислам динен кабул итүгә 1000 ел исемендәге Казан югары мөселман мәдрәсәсе директоры Ильяс хәзрәт Җиһаншин, Апанай мәчете имам-хатыйбы, тарих фәннәре кандидаты Нияз хәзрәт Сабиров, мәдрәсә шәкертләре, мәдәният, сәнгать һәм дин әһелләре, журналистлар катнашыр дип көтелә.

    Теги: дин
    Нравится
    Поделиться:
    Комментарии (0)
    Осталось символов:
    Реклама
    • Конкурс!
    • Сүз