Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • НАРКОТИКЛАРГА - ЮК

    ТИНЧУРИН ТЕАТРЫНДА НИНДИ ЯҢА СПЕКТАКЛЬЛӘР КУЕЛАЧАК?

    Кәрим Тинчурин исемендәге Татар дәүләт драма һәм комедия театры директоры Фәнис Мөсәгыйтов язучы Нәбирә Гыйматдинованың «Ут күбәләге» әсәре киләсе елның 23 февралендә сәхнәләштереләчәген әйтте. Бу хакта ул «Татар-информ» хәбәрчесенә сөйләде.

    «Нәбирә Гыйматдинованың „Ут күбәләге“ әсәренә нигезләнеп, „Ут күбәләге кебек“ дип аталган инсценировканы Татарстанның халык артисты Тәслимә Фәйзуллина эшләгән иде. Ул аны исән вакытында үзе куярга теләде. Хәзер спектакльне Татарстанның халык артисты Зөфәр Харисов куячак. Бу әсәр якынча биш ел элек язылган. Спектакль урманчы хатын турында, әсәрдә сугыш вакытында авылда яшәгән кеше язмышлары күрсәтелә», — диде ул.

    Моннан тыш, театрда башка премьералар да булачак. «Рүзәл Мөхәммәтшинның „Асыл кош“ әсәрен Диана Сәфәрова сәхнәләштерә. 17 мартта чыгарырбыз дип уйлыйм. Ул бөтен татар әкиятләреннән җыйналган әсәр. Зөлфия Рәүфова көй язды, Ильяс Камал эшкәртте», — диде Фәнис Мөсәгыйтов.

    «Алым» — татар телендә сирәк очрый торган моноспектакль жанрында иҗат ителгән. Авторы — Ләйлә Сәлахетдинова, баш рольдә — Рөстәм Гайзуллин. Режиссеры — Марсель Мәхмүтов, музыкасын Зөлфәт Вәлиуллин язды. Спектакль прокурорлар турында. Аны апрельнең беренче көннәрендә куярга ниятлибез», — диде театр директоры.


    Рамил Гали фотосы

    tatar-inform.tatar

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Милек өчен салымны түләү - 1 декабрьгә кадәр
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!
    • "Язмыш" газетасы
    • Китап тыңла!
    • Kazan Digital Week-2021 (1)
    • ТАВЫШ БИР: Иң матур җырчы гаиләсе