Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      911
      0
      5

    Әтнә театры яхшы яңалыклары белән уртаклашты

    Әтнә театры «Татмедиа»да узган матбугат конференциясендә театрның яхшы яңалыклары белән уртаклашты.

    Театр тиздән ике яңа премьера тәкъдим итәчәк. Декабрь азагында театр тамашачылары  Җан-Батист Мольерның "Көрәктән-сәнәк" ("Мещанин во дворянстве") спектаклен карый алачак. Режиссеры Ринат Эбазерович Бекташев. Әсәрне татар теленә Марат Мәхмүт улы Хәбибуллин тәрҗемә кылган. Агымдагы елда тагын бер мөһим премьера - Туфан Миңнуллинның легендар "Әниләр һәм бәбиләр" драмасы. Куелыш режиссеры Илсур Юлай улы Казакбаев. 

    Реклама

    Моннан кала, театр хезмәткәрләре Финляндиягә барып кайтулары, анда Чыңгыз Айматовның "Гүзәлем Әсәл" әсәрен һәм махсус әзерләнгән милли җыр-биюле концерт куюлары турында сөйләде. Әлеге концертны Финляндия татарлары бик җылы кабул иткән, шуңа күрә, концерт программасын тулыландырып, аны Әтнә тамашачысы өчен дә әзерләү теләге туган.

    Татлыга, театрның абруйлы "Алтын битлек" театраль премиясе белән бәйле яңалык та бар. «Фронтовичка» спектакле «Алтын битлек» фестиваленең «Маска Плюс» программасына кертелгән. Белгечләр тарафыннан сайлап алынган 12 театр арасында Әтнә театры да билгеләнгән. «Маска Плюс» программасы Мәскәү шәһәрендә 2020 елның 24 февраленнән 6 мартына кадәр барачак. Шулай ук, әлеге спектакль Русиядә бу театраль сезонның ңи яхшы спектакльләрен туплаган лонг исемлегенә дә кергән. Төп роль башкаручысы Рәзинә Мөхлисуллина аерым билгеләп үтелгән.

     

     

    Теги: театр
    Нравится
    Поделиться:
    Комментарии (0)
    Осталось символов:
    Реклама
    • Конкурс!
    • Сүз