Торак бәясе нормативын арттырырга ниятлиләр

Төзелеш министрлыгы Россиянең барлык регионнары өчен диярлек 2022 елның II кварталына кайбер категориядәге гражданнарга торак бирүне исәпкә алу өчен квадрат метрның уртача бәясе күрсәткечләрен арттырырга тәкъдим итте. РФ Төзелеш министрлыгы башлыгы Ирек Фәйзуллин кул куйган боерык проекты норматив хокукый актлар проектлары порталында бастырылган.

Иң зур үсеш, 81% ка Мәскәү өчен тәкъдим ителә - 1 кв. м уртача бәясен 152 меңнән 275 мең сумга кадәр артачак.

Мәскәү өлкәсендә квадрат метрның бәясе нормативы 2,5% ка 111,2 мең сумга кадәр, Санкт-Петербургта - 8% ка 175,9 мең сумга кадәр, Татарстанда - 6% ка 101,8 мең сумга кадәр, Ленинград өлкәсендә - 7% ка 92,2 мең сумга кадәр, Краснодар краенда - 6% ка 86,1 мең сумга кадәр арттырырга тәкъдим ителә.

Ненец автоном округында гына торак бәясен киметергә тәкъдим ителә, ләкин нибары 225 сумга - 73 мең сумга кадәр.

Квадрат метр бәясенең нормативы аерым категория гражданнарга торак сатып алуга яисә төзүгә социаль түләүләр күләмен исәпләү өчен, шулай ук кешеләрне авария хәлендәге фондтан күчергәндә кулланыла.