Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив

    Төрек балалары Сөембикә турында әкият укый алачак

    Төркиядә Казан ханбикәсе Сөембикә турында балалар өчен китап нәшер ителде. Авторы – антрополог һәм язучы Суат Тургут.

     24 биттән торган “Сөен бикә хан” дип исемләнгән китап “КЕШЕ булган балалар” җыентыгының бер өлеше булып тора. Җыентык үзе исә “Каһарманнар” сериясе эчендә урын алган. Бу серия 15 җыентыктан, 150 китаптан гыйбарәт. Әлеге җыентыклар сериясе гомумкешелеккә хезмәт иткән һәм төрки дөньяда тирән эз калдырган шәхесләр турындагы әсәрләрне үз эченә ала.

    “КЕШЕ булган балалар” җыентыгында, Сөембикәдән кала, Һун императоры Атилла, Урта Азиянең данлыклы әмире Аксак Тимер, мәшһүр табиб Әбугалисина, күренекле галим Фараби, хәтта космонавт Юрий Гагарин хакында да әсәрләр бар. Алар барысы да балаларга аңлаешлы тел белән, әкияткә охшаш итеп, рәсемнәр ярдәмендә аңлатылган. Рәсемнәрне Суат Тургут үзе ясаган.

    Автор җыентыклары турында болай ди: “Балаларда әлеге кыйммәтләрнең тәрбияләнүендә тарихи шәхесләр мөһим роль уйный. Ә алар әллә кайларда түгел, үз тарихыбызда. Дөньяда мөмкин булмаган әйбер юк! Бөек максатлар куелганда, бөек эшләр башкарып була. Бу җыентыклар аркылы балаларыбыз шушы фикерне үзләштерерләр, дип ышанам”.

    Реклама

    Һәр китапның тышлыгында, алгы планда тотылган кыйммәтләр диеп, үз-үзеңә ышаныч, хөрлеккә омтылыш, ватанпәрвәрлек, тырышлык, җаваплылык, кыюлык кебек сыйфатлар язылган.

     

     

    Рушания Алтай, tatar-inform.tatar

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Хәтер
    • Сезнең өчен уйныйбыз!
    • Наркотикларсыз тормыш
    • "Чтобы получить субсидию - убедись в отсутствии налоговой задолженности"
    • Занятость
    • Милли проект
    • Языл һәм телевизор, скутер от!
    • Твой ход!
    • Әйдәгез хатлар языйк!
    • "Бессмертный полк онлайн"