Туган тел бәйрәменнән фоторепортаж

Олуг шагыйребез Габдулла Тукайның туган көнендә татар халкы елдагыча Туган тел көнен бәйрәм итте.

Елдагыча 26 апрель көнне, Муса Җәлил исемендәге Татар Дәүләт Опера һәм Балет театры янында Туган тел бәйрәме узды.

Һава торышы кояшлы булганга, быел чарага былтыргыга караганда халык күбрәк килгән иде.

Чарада язучылар, артистлар, җырчылар, журналистлар, бер төркем мәктәп укучылары бар иде.

Ә менә дәүләт эшчеләре чарага килмәде. Күрәсең, алар быел Тукай премиясен тапшыру урыны булган "Казан Экспо"да, Илһам Шакиров концертлар залында премия тапшыру тантанасында булгандыр.