Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • Чизкейк рецепты «Идел» юбилеена классик Нью-Йорк чизкейгы пешерергә булдым. Чизкейк – Америка кухнясының традицион сые, соңгы елларда дөнья буйлап киң таралды.
      28
      0
      0
    • Анастасия Заворотнюк параличланган булуы турындагы хәбәр дөреслеккә туры килми Кичә бик күп матбугат чаралары актриса Анастасия Заваратнюкның гомерлеккә параличлануы турында язып чыккан иде. Мондый "фараз"ның чыганагы телеграм порталында булуы ачыкланды.
      103
      0
      0
    • Бүләк бирешү мәхәббәтне арттыра Никахны катлауландыра торган тагын бер күренеш бар бүген. Кызларыбыз, егетләребез утыз-утыз биш яшькә хәтле гаилә кормыйча яши. Матди максатларны беренче урынга чыгару бу.
      118
      0
      0
    • Казан үзәген Яңа елга бизи башладылар Былтыргы иллюминацияне куллану шәһәр бюджетына акчаның бер өлешен саклап калырга ярдәм итәр, дип ышанабыз. Хәтерләсәгез, узган елгы шәһәр бизәлеше Казанга бик кыйбатка төшкән иде.
      43
      0
      0
    • Яшь осталар көч сынашты «Үзегез сайлаган һөнәргә тулысынча бирелегез. Һәрчак камиллеккә барырга, үз эшеңдә иң яхшысына әйләнергә тырышырга кирәк»
      912
      0
      5

    Твиттер нәрсәгә кирәк?

    Твиттерның ни икәнен беләсеңме? Твиттер кечкенә форматлы хәбәрләр белән уртаклаша торган социаль челтәр. Бер постта нибары 140 знак калдырып була.

    Нәрсәгә кирәк әле ул, сөйләп карыйк.

    Биш ел элек твиттер Россиянең иң зур тизлек белән үсүче социаль челтәре иде. 
    Аның ярдәме белән халык хэштегның нәрсә икәнен аңлады, ВКонтакте сайтын уйлап тапкан егет - Павел Дуров Рәсәй хөкүмәте турында нәрсә уйлавын әйтә алды, ә Тимати Филипп Киркоров белән бәхәсләшкәннән соң #Әйдәхуш (давайдосвидание) җырын иҗат итте. 
    Элегрәк, Твиттерда танылган шәхесләр һәрвакыт диярлек гади кеше белән аралашырга, һәм җавап бирергә вакыт таба иде. Шуның аркасында ретвит (твитерны үз битеңә саклау) җыеп гади кеше дә күп укучы җыя ала иде (хәзер йолдызлар аларга язган хәбәрләне сирәкрәк укый)
    Шул рәвешле, йолдызлар, сәясәтчеләр, язучы, актер, җырчылар фанатлары белән шул хәтле якын аралаша аган урын әле юк иде. Твиттер язуларын радио һәм телевидение мәгълумати чара буларак куллана башлагач, "ВКонтакте " белән фейсбук арткы планга күчте. 
    Алга киткән Рәсәй халкы 140 билге форматына күнегеп беткән иде сыман. Инстаграм чыккач, твиттер бик тиз онытылды. 
    Әгәр хәзер урамга чыгып берәр кемгә кайсы социаль челтәрне күбрәк куллануын турында сорау бирсәң, җавап шундый булачак: 
    1. ВКонтакте челтәре. Чөнки анда дуслар, туганнар, бушлай музыка һәм күңелне күтәрә торган группалар бар. 
    2. Инстаграм. Чөнки башкалар ничек яшәвен күзәтү кызык. Бигрәк тә танылган кешеләрнең ничек яшәвен күзәтәм.
    3. Фейсбук, яки «Одноклассники», йә, гомумән, бернинди социаль челтәр дә кулланмыйм.
    Твиттер турында искә төшерсәң, бик күп кеше аның нәрсәгә кирәк булуы турында сораячак.

    Нигә икәнен үзебез аңлатып карыйк әле. 
    Беренчедән, хәзерге твиттер - ул бик зур мәгълумати чыганак.
    Кешеләр генә түгел, брендлар үз контентын булдырырга тырыша, ретвитлар ясый. 
    Асылда, твиттер-илдәге һәм дөньядагы хәлләрне беренче булып белеп торырга теләгән кешеләр өчен уңайлы. 
    Икенчедән, Твиттерда лентаны адекват алгоритмик тасма формалаштыра. 
    Твиттер башта тәүлек эчендәге иң популяр хәбәрләрне җыя (син язылган чыганаклар арасында). 
    Шуңа күрә иң кызыклы яңалыкларны кеше беренче чиратта күрә. Шул ук Вконтактеда андый тәртип юк. Лента бик тәртипсез формада, шуңа күрә лентаны скрольләгән кешеләр көннән-көн кими. Кеше аерым группаларга гына кереп карый.

    Өченчедән, Твиттерда яңалыклар тизрәк барлыкка килә. 
    Тизлек , гади кулланучыга бик әһәмиятле булмаска мөмкин, ә менә журналистлар, контент ясаучылар өчен әһәмиятле. 
    Бер постта 140 билге генә куя алу да ул чынбарлыкта бүгенге заманда бик файдалы һәм дөрес нәрсә. 
    Нигә дисәң, Твиттер лентасында чүп-чар, демагогия, күпкә азрак. Фейсбуктагы кебек бер һәркем үзен фәлсәфәче-графоманга санамый. Вконтактедагы кебек төрле чүпчар рекламалы контент та әзрәк чыга.

    Твиттерны ничек кулланырга? 

    Твиттер кушымтасын урнаштырганнан соң, сине әз генә булса да кызыксындырырга мөмкин булган аккаунтларга язылырга кирәк.  Мәсәлән әгәр җырчы Джастин Биббер ошый икән, аңа языл, диктор Василий Уткинның ни уйлавы кызыксындырамы, языл, Дмитрий Медведевның кайда ял итен беләсең килсә - языл.
    Алар синең лентаңда булачак. 

    Вакыт узгач, кызык булмаган, пассив аккаунтлардан чыгарга була. 
    Лента нинди дә булса твитны ошатмасаң икән, автор киләчәктә дә постлары белән кәефне бозмасын өчен аңа язылуны туктат. 
    Тагын кызык әйбер - ул твитлар буенча эзләү. Бик уңайлы нәрсә.
    Әйтик, берәр түрәне кулга алдылар ди, һәм синең моның турында беләсең килә. 
    Поискка аның исемен кертеп, аның турындагы барлык яңалыкларны күреп була. Ни өчен кулга алганнар? Кайда урлаган? Ничек тотылган? Суды кайчан? Ничә елга утырталар һ.б.
    Җаваплар Твиттерның үзендә булыр. 

    Твитларын ничек язарга?

    Реклама

    Үзеңә кызык булган яңалыкны ике-өч сүз белән язып (мәслән үзеңне куандырган әйбер, шатлыгың һ.б.), берәр булган чараны, кызыклы цитатаны кретергә була. Рәсем, мэм куярга була. 

    Татар әдипләре арасында Твиттер форматы кемгә юш килер иде?

    Туфан Миңнуллинга, Роберт Батуллага, Дәрдмәндкә, Равил Фәйзуллинга, Гамил Авзалга.

    Нигә икәнен үзегез дә аңлагансыздыр! 

    "Идел" журналының да твиттеры бар. Әлегә без аны бик актив алып бармыйбыз. Укучыларыбыз арасында Твиттера язылучылар булса, бику куанып, сезнең өчен кыска хәбәрлә яза башлар идек.  

    Нравится
    Поделиться:
    Комментарии (0)
    Осталось символов:
    Реклама
    • Конкурс!
    • Сүз