"Төзек булсын никахлар" - яңа китап!

ТҖ мөселманнары Диния нәзарәтенең «Хозур» нәшрият йорты Җәгъфәр хәзрәт Мөбарәковның “Төзек булсын никахлар” (“Счастливая семейная жизнь”) китабын бастырды.

Әлеге китап кеше тормышында зур роль уйный торган вакыйга – никах, гаилә кору турында бәян итүгә багышланган. Автор бу мәсьәләдә укучыларны кызыксындырган четерекле сорауларга җавап бирә, гаиләдә бер-береңне аңлап, хөрмәт итеп яшәүнең серләренә төшендерә.

"Хозур" нәшрият йорты әлеге китапка мондый бәяләмә бирә:

- Китап бәхетле гаилә коруның, сәламәт буын тәрбияләүнең мөһимлеге турында Коръән аятьләре һәм динебез аша аңлатылуы белән бәһале. Авторның бу хезмәте яңа тормыш корырга җыенучы парлар өчен дә, гаиләле кешеләр өчен дә файдалы булыр дип өметләнәбез.

Чыганак: huzurshop.ru