Логотип Идель
Яңалыклар

Умач, ярымай сыман бәрәңге пәрәмәче һәм өчпочмак - барысы да бер шоуда!

Барыгыз да бераз гына тамак кайгысын кайгыртып, тәм-том белән сыйланып алырга ярата бит, әйеме? Татар милли ризыкларын татып караганнар – бигрәк тә!

Барыгыз да бераз гына тамак кайгысын кайгыртып, тәм-том белән сыйланып алырга ярата бит, әйеме? Татар милли ризыкларын татып караганнар – бигрәк тә!

Татар милли ризыкларны әзерләргә дә, ашарга да яратучылар күп булуын искә алып, яшьләр 11 июньдә Казанда «Штаб» креатив индустрияләр резиденциясе мәйданчыгында аш-су тамашасы уздырачак. Чара барышында моңа кадәр социаль челтәрләрдә узган #Татарchef кулинария ярышында җиңгән өч кеше тамашачының күз алдында үз ризыкларын пешерәчәк.

#Татарchef – Русиянең төрле төбәкләрендә һәм чит илләрдә яшәүче татар аш-су рецептлары конкурсы, ул татар ашларын, мәдәниятен һәм тарихын популярлаштыру максатыннан үткәрелә. Русиядә һәм  аннан читтә яшәүче һәркем, үз кулы белән әзерләгән милли аш-су фотосын яки видеосын социаль челтәрләрдәге аккаунтында урнаштырып, бәйгедә катнаша алды. Нәтиҗәдә, конкурска Татарстан, Башкортстан, Казахстан, Әстерхан, Самара, Оренбург, Липецк өлкәләре һәм Берләшкән Гарәп Әмирлекләреннән 160тан артык төрледән-төрле рецепт килгән. Шулар арасыннан өчесе җиңүче дип табылды.

Җиңүчеләр  Казанга сәяхәт белән бүләкләнгән. Биредә алар төп җиңүче исеме өчен көрәштә тагын бер тапкыр аш-су пешерәчәк. Оештыручылар сер итеп кенә аш-су осталарының ни пешерергә җыенуын да хәбәр итә. Мәсәлән, ярымай сыман итеп әвәләнгән бәрәңге пәрәмәче, умач ашы һәм өчпочмак бар.
Аш-су тамашасын популяр шоумен һәм алып баручы Руслан Шәрәфетдинов үткәрәчәк. Чара 15.00 сәгатькә планлаштырылган, дип хәбәр итә  Казанның «Иске шәһәр» префектурасы үзенең рәсми сәхифәсендә.

Текст после содержания указынный в настройках

«Идел» журналы 16+

Следите за самым важным и интересным в Telegram-каналеТатмедиа

Нет комментариев