Ураза тотып, Чемпионнар лигасын оттылар!

Спортчылар арасында ураза тотучылар шактый. Алай гына да түгел, сезонның иң мөһим матчлары вакытында да алар ниятләреннән чыкмыйлар.

Быел футбол буенча Чемпионнар лигасы финалында "Ливерпуль" "Тоттенхм" клубын 2:0 исәбе белән отып, сезонның иң дәрәҗәле турнирында җиңү яулады. Билгеле булганча, беренче тупны Мөхәммәд Салах пенальтидан кертте. Ә пенальти тибү мөмкинлеген исә Садио Мане яулады. Ике футболчы да бу көнне - елның иң төп уены көнендә ураза тотудан туктамаганнар!

Мисыр җыелма командасы уенчысы Мөхәммәд Салах узган ел Россиядә узган дөнья чемпионаты вакытында да уразада булган. Гәрчә ул чакта Мисырның баш мөфтие футболчыларга ураза тотмасалар да була дип, үз теләген җиткерде Кайберәүләр команданың уңышсыз чыгышын нәкъ менә шул фактор белән бәйләгән иде.

"Тоттенхэм"га каршы уенда исә Салах белән Мане беренче минутлардан уенның ахырына кадәр уйнадылар һәм Чемпионнар лигасы кубогын отуга зур өлеш керттеләр.

Фото: dumrt.ru