Владимир Путин: "Казан капиталь рәвештә үзгәрде"

Казан мэры Илсур Метшин Красногорскида Россия Президенты каршындагы җирле үзидарәне үстерү советы утырышында катнашты. Утырыш барышында Путин җирле үзидарәнең җаваплылык өлкәсе зур булуын белдерде.

Үз чыгышында Илсур Метшин коммуналь челтәрләре проблемасын хәл итүне сорады. Шәһәр башлыгы "совет ныклыгы запасы тәмамлана", ә тарифлар һәм өстәмәләр масштаблы эшләр башкарырга мөмкинлек бирми, диде.

Моннан тыш, Илсур Метшин соңгы елларда җирле үзидарә вәкаләтләре саны артуга игътибар итте. Закон нигезендә, 2005 елда муниципалитетларның 27 вәкаләте булган.

"Әмма 15 ел эчендә вәкаләтләр саны 43 пунктка кадәр артты. Өстәмә 245 пункт бар. Финанслау элеккечә калды", - диде мэр. Шулай ук, сүз зур акчалар турында бармый дип өстәде.

Илсур Метшин президентка Казандагы үзгәрешләр өчен рәхмәт белдергәннән соң, Владимир Путин шәһәрнең капиталь үзгәрүен ассызыклады:

"Дөрес, Казан соңгы елларда капиталь рәвештә үзгәрде. Бу - уртак тырышлыгыгыз, республика халкы һәм федераль ярдәм нәтиҗәсе" , - диде Путин.

inkazan.ru