Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив
    • “КИТАП” РАДИОСЫ – МИЛЛИ РАДИО Ишеттегезме әле, “Китап” радиосы FM 98,6 МГц ешлыгында яңгрый башлады. Милли моң, милли әдәбиятны пропагандалауга юнәтелгән радио Татарстан Президенты ярдәме белән тормышка ашырылды.
      192
      0
      0
    • БЕРЕНЧЕ ОНЛАЙН-МӘДРӘСӘ ХАЛЫКТА ПОПУЛЯРЛАША АЛЫРМЫ? Татарстан мөфтияте һәм аның карамагында эшләүче “Хозур” нәшрият йорты моңарчы тиңе булмаган зур яңа проект – татар телендә беренче онлайн-мәдрәсә гамәлгә ашырды.
      252
      0
      0
    • СӨЙЛӘМ ГЕНЕРАЛЛАРЫ БАРЛАНА «Tatar сүзе» бәйгесенең жюри әгъзалары конкурска килгән 4000гә якын язманың әлегә 1200енә бәя бирергә өлгерде. Жюри утырышлары Г.Тукай исемендәге Татар дәүләт филармониясендә уза, жюри төркемнәргә бүленеп эшли.
      214
      0
      0
    • ЧИРМЕШӘН АВЫЛЫ ТУРЫНДА ЯҢА КИТАП Чирмешән районы авыл тарихлары турында китаплар даими басылып тора. Чираттагысы Кармыш авылына багышлана. Аның авторы Дамир Таҗиев.
      236
      0
      0

    XV Халыкара мөселман киносы фестивале көндәлеге: кичә һәм бүген

    Кичә фестивальдә катнашкан барлык диярлек татарча һәм Татарстан фильмнарын карау бәхетенә ирештек. С. Юзеевның “Шиһаб хәзрәт”еннән, Р. Ягъфәровның “Байгал”ыннан, Л. Сәләхетдинованың “Овертайм”ыннан , Иделиянең “Тавышны күрү”еннән кала, аларның барысы да “Милли конкурс” номинациясендә күрсәтелде. Татар киносы өчен махсус номинация шунысы белән кызыклы: анда фильмнар жанрлар буенча “бу документаль, ә бу – уен, бу озын, ә бу – кыска” дип төгәл аерып сайланмаган. Иҗат-сәнгать өлкәсендә уңышка ирешкән шәхесләребез Рөстәм Абязов, Гөлзада Сафиуллина, Вафирә Гыйззәтуллина турында кызыклы гына тасмалар булуы сөендерде. Монда 9 минутлык “Кызарган алмалар”дан (Эдуард Габидуллин) 82 минутлык “Су анасы”на (Алексей Барыкин) һәм “Җиде энҗе бөртеге” дигән (Сергей Киатров) 69 минутлык мультфильмга кадәр карарга була иде. “Милли конкурс” номинациясендәге фильмнар ошарга яисә ошамаска мөмкин, ләкин кино сандыгыбызның буш булмавы сөендерә.

    Шулай ук 29 апрельдә конкурс фильмнары күрсәтелде. “Мир” кинотеатрында исә Корея киносы көне һәм режиссер Бэй Чан Ху белән иҗади очрашу узды.

    Бүген XV КХМКФнең соңгы көне.

    17.00 дә башланачак “кызыл келәм” тантанасына кадәр Эльдар Рязанов фильмнарының ретроспективасы уза. Шул уңайдан "АЛМАЗ СИНЕМА ПОРТ”та актриса Светлана Немоляева белән иҗади очрашу һәм «Дневной поезд» нәфис фильмы күрсәтеләчәк. Бүген Рязановның күпләребез яраткан “Забытая мелодия для флейты”, “Старики-разбойники”, “Невероятные приключения итальянцев в России”, “Дорогая Елена Сергеевна”,  “Дайте жалобную книгу” тасмаларын да карарга мөмкин. Шулай ук фестивальнең конкурс пограммасына кермәгән тагын берничә фильм күрсәтелә. “Мир” кинотеатрында танылган режиссерлар Арво Ихо, Дәүләтназар Ходаназаров белән очрашулар була. Конкурс программасында катнашкан “Бөртек” (Төркия), “Анар бакчасы” (Әзәрбайҗан) кабатлап күрсәтеләчәк.

    18.00дә – “Ривьера”да XV КХМКФнең ябылу тантанасын, 19.00 дә “Мир” һәм “Ривьера”ның икесендә берьюлы фестивальдә Гран-при яулаган фильмны карарга мөмкин.



     

     Рузия Сафиуллина әзерләде

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • ИДЕЛ. ГЫЙНВАР САНЫН УКЫЙБЫЗ.
    • "Отмена ЕНВД. Что делать?"
    • ИДЕЛ, ДЕКАБРЬ. ЭЧТӘЛЕК
    • ЯЗЫЛЫРГА ӨЛГЕРЕГЕЗ!
    • ӘДӘБИ МАРАФОН. ФОТОРЕПОРТАЖ
    • БЕЛЕМ ҖӘҮҺӘРЛӘРЕ. ФОТОРЕПОРТАЖ
    • ПОЛИЦИОНЕР. ТИНЧУРИН ТЕАТРЫ
    • Кышкы язылу өчен бүләк от!
    • ӘДӘБИ СУД. ИДЕЛ.
    • ИДЕЛ. ЯШЬЛӘР ШУРАСЫ