Ял көннәрендә Татарстанда салкынайтачак

Шимбә һәм якшәмбе, 26 һәм 27 ноябрьдә, Татарстанда антициклон йогынтысында һава температурасы төшүе күзәтеләчәк. Бу хакта Татарстан Гидрометеорология һәм әйләнә-тирә мохитне күзәтү үзәге хәбәр итә.

Шимбә, 26 ноябрьдә, республиканың кайбер районнарында бераз кар, шулай ук төнлә һәм иртән томан фаразлана. Һава температурасы төнлә -3..-8 градус һәм көндез -1..-6 градус булачак. Якшәмбе, 27 ноябрьдә, төнлә кар яварга мөмкин, ә көндез явым-төшем ихтималы зур түгел. Һава температурасы төнлә -7..-12 градус, көндез -5..-10 градус фаразлана.

Метеорологларның киләсе атна башында Татарстан антициклон йогынтысында булачак, ди Явым-төшем ихтималы аз. Һава температурасы алга таба да төшүен дәвам итәчәк: төнлә -12..-17 градус, көндез -8..-13 градус көтелә.