Яшь футболчылар өчен талисман

Бүген Татарстан Президенты Рөстәм Миңнеханов “Рубин” футбол клубының элеккеге капитаны Гекдениз Карадениз белән күреште. Футболчы аңа үзенең 61нче номерлы имзалы футболкасын бүләк итте.

Әлеге сувенирны ил башлыгы 4нче номерлы Казан интернат-мәктәбенә бирергә карар кылды.
Мәктәпнең җыелма комнадасы үзенчәлекле балалар арасында уздырылган россиякүләм футбол турнирында өченче урын алган. Малайлар бу бүләкне талисманнары булыр һәм күп җиңүләр китерер, дигән фикергә килде.

Фото Рөстәм Миңнехановның шәхси сәхифәсеннән алынды.