Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • НАРКОТИКЛАРГА - ЮК

    Яшь тамашачы театры тәүге моноспектаклен тәкъдим итә

    Г. Кариев исемендәге Яшь тамашачы театры үз тарихында беренче моноспектакль - Мансур ГыйләҗевнеңМикулайисемле яңа монодрамасын тәкъдим итә. Монодрама премьерасы 5 һәм 14 март көннәрендә узачак.

    “Микулай”ны сәхнәгә театрның баш режиссеры Ренат Әюпов куйды. Микулай ролендә – Г.Кариев исемендәге театр артисты Фәнис Кәлимуллин һәм Г.Камал исемендәге театр артисты Олег Фазылҗанов икесе ике составта уйнаячак.

    “Монопьеса – сәхнәгә кую өчен авыр жанр. Монда төп рольдә уйнаган артист зур көч куярга һәм бөтен талантын күрсәтергә тиеш, чөнки зур залны тотып торыр өчен бик күп энергия таләп ителә. Актер уңышы һәм уңышсызлыгы өчен дә үзе генә гаепле”, - ди режиссер.

    Татарстанның атказанган артисты Олег Фазылҗанов: "Миңа керәшен йолалары, гореф-гадәтләре яхшы таныш, шулар арасында аунап үстем. Төп герой белән охшашлыгым шул: мин авылымны, кешеләрен, аларның кешелеклеген, кунакчыл чын табигыйлекләрен яратам. Кызганыч, авылыбыз акрынлап кимүгә бара, ә мин шуңа карамастан йорт салып ятам һәм киләчәк турында кайгыртучы, үз авылын, телен яратучы Микулайлар күбрәк булуын телим. Спектакльдә уйнарга ризалашуым да шуның белән бәйле".

    Спектакльдә Сарсаз Күл авылында япа-ялгыз гомер кичерүче керәшен агаеның бер көне аркылы авыл тарихы сурәтләнә. Микулайның хыялы – үзе ясаган сыннар урынында чын кешеләрне күрү. “Чүк-чүк” уены герой тарафыннан яңгырны гына түгел, халыкны авылга чакыру булып та кабул ителә.

    Пьеса глобализация чорында күп кенә кечкенә милләтләрнең теле, мәдәнияте, йолалары юкка чыгуы турында чаң кага. Спектакльдә керәшен халкының борынгы җырлары яңгырый (“Пыяла күкәй” җыры яңа яңгырашта), гореф-гадәтләр искә алына, дини мотив күтәрелә.

    Әсәрдән аермалы буларак, Ренат Әюпов бу авылга тереклек кертү, милләтне саклау нияте белән башка финал тәкъдим итә. Режиссерның бу һәм башка идеяләре белән тамашачы спектакль премьерасында очрашачак.

    Рәссам – Булат Гыйльванов, Б. Урманче һәм М. Җәлил премияләре лауреаты; этнофольклор буенча консультант – Геннадий Макаров, Татарстанның атказанган сәнгать эшлеклесе; балетмейстер – Илдус Биктаһиров, Татарстанның атказанган мәдәният хезмәткәре; хормейстер – Лилия Зәйнуллина.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!
    • "Язмыш" газетасы
    • Китап тыңла!
    • Kazan Digital Week-2021 (1)
    • ТАВЫШ БИР: Иң матур җырчы гаиләсе
    • Хәтер