Яшьләр иҗатын туплаган яңа китап

Татарстан китап нәшриятында "Яңа гасыр тавышы" дип исемләнгән туплам чыкты.

Антологиягә XXI гасыр башында татар әдәбиятына килгән каләм әһелләренең шигырьләре, хикәяләре, пьесалары туплап бирелде. Китапның тулы исеме болай яңгырый: «Яңа гасыр тавышы. Антология. Яңа буын язучыларның шигъри, чәчмә һәм драма әсәрләре”.  Төзүче һәм кереш сүз авторы Галимҗан абый Гыйльманов. Әлеге китап шушы көннәрдә генә дөнья күрде. 576 битлек китапта 32 каләм иясенең иҗаты урын алган. Яшьләрне шулай канатландырганнары өчен китапны булдыруга көч куйган барлык кешегә рәхмәт кенә әйтәсе килә!