Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • НАРКОТИКЛАРГА - ЮК

    ЯЗУЧЫ РӘФИКЪ ЮНЫС ВАФАТ

    Бүген язучы, журналист Рәфикъ Юныс улы Юнысов бүген 78 нче яшендә бакыйлыкка күчте. Бу хакта аның соңгы эш урыны “Казан утлары” журналыннан хәбәр иттеләр.

    Рәфикъ Юнысов «Идел» журналының да якын дусты иде. Язучы безнең редакциядә 1993-2000 елга кадәр баш мөхәррир урынбасары булып эшләде. Милли җанлы, тирән белемле, креатив, юмор яратучы публицистны редакция кызлары бүген дә сагынып искә ала.

    Реклама

    Рәфикъ абый күптән түгел генә “Идел” редакциясенә килеп, хәлләребезне белеп киткән иде. Җор телле коллегабыз кыска гына вакыт эчендә дә барыбызның хәлләрен белешеп, үз фатихасын биргәндәй күңелле хатирәләре белән уртаклашкан иде.

    Р. Юнысовны шагыйрь буларак та хөрмәт иттек, композитор Сара Садыйкова белән бергә иҗат иткән җырлары бүген дә халык күңелен юата. Юныс аганың көләч йөзе, күтәренке рухы күңелләребездә озак сакланыр.

    Туганнары һәм якыннарының тирән кайгысын уртаклашабыз. Мәрхүм белән хушлашу вакыты соңрак хәбәр ителәчәк.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Милек өчен салымны түләү - 1 декабрьгә кадәр
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!
    • "Язмыш" газетасы
    • Китап тыңла!
    • Kazan Digital Week-2021 (1)
    • ТАВЫШ БИР: Иң матур җырчы гаиләсе