Йөгерә башлау өчен мотивация!

    Хәзерге вакытта  массачыл-мәдәни чаралар гына түгел, йөгерү марафоннарының вакыты күчерелде. Иртә-кичләрен йөгерүчеләр өчен Timerman (Тимермэн) марафоны яхшы таныш. Ул быел май аенда уздырылырга тиеш иде, әмма билгеле сәбәпләр аркасында 15-16 августка күчерелде.

  фото - pixabay.com

"Тimerman" марафонын оештыручылар август аен көтеп тормаганнар, марафонны онлайн форматта башлап җибәргәннәр. Кыскасы, онлайн-марафонда катнашырга теләгән һәркем 10 көн рәттән бер сәгать дәвамында йөгерергә тиеш булалар. Иң мөһиме -  йөгергән вакытны таймерда саклап барырга кирәк. Катнашучылар рейтингы вакыт буенча түгел, ә йөгергән ераклык буенча төзеләчәк. 

   Спортчылар өчен көндәлек тренировка да каралган: оештыручылар белән катнашучылар уртак чатта аралашып торачак. 

   Онлайн-марафонга теркәлү 21 майга кадәр дәвам итә. 1 июньдә инде нәтиҗәләр билгеле булачак. Җиңүчеләргә бүләкләр тапшырылачак. 

Тулырак мәгълүмат: http://challenge.timerman.org/#faq