Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив

    Җыр авторлары өчен – яңа проект

    Реклама

    Сәләтле җыр авторларын табу, аларны үзара очраштыру максатыннан “Яшь йөрәкләр” проекты икенче тапкыр уздырыла. Биредә үзләре язган җыр белән композиторлар һәм текст авторлары катнаша ала.
    “Яшь йөрәкләр” – конкурс түгел, фестиваль. Лауреатларга тавыш яздыру студиясеннән сертификатлар бирелә. Жюри рәисе, Татарстанның халык артисты Миңгол Галиев әлеге авторларның җырларыннан торган җыентык та эшләргә тели. “Безнең музыкабызның башка халыкларныкына үрнәк булырга хакы бар. Халыкны тәрбияли торган иҗат эше була. Техникага куюны түгел, ә әсәрдә җан җылысы булуын иң зур әһәмият дип санарга кирәк”, – ди Миңгол Галиев.
    “Өч тиенлек җырлар юк”, – ди проектның генераль продюсеры Җәүдәт Гыйльманов. – Авылда, мәсәлән, бик матур җырлар язучылар бар, алар тыңлаучысын таба алмый. Без шундый үзешчәннәрне җыярга булдык”. 
    Проект – энтузиастлар эше. Быел икенче тапкыр уздырыла. Бу елны “Яшь йөрәкләр”гә грант рәвешендә дәүләт ярдәме дә бирелгән. “Яшь йөрәкләр” проекты катнашучылардан гаризаларны февраль азагына кадәр җыя. Болар хакында оештыручылар “Татар-информ” уздырган матбугат конференциясендә сөйләде. 

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Хәтер
    • Сезнең өчен уйныйбыз!
    • Наркотикларсыз тормыш
    • "Чтобы получить субсидию - убедись в отсутствии налоговой задолженности"
    • Занятость
    • Милли проект
    • Языл һәм телевизор, скутер от!
    • Твой ход!
    • Әйдәгез хатлар языйк!
    • "Бессмертный полк онлайн"