Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • Төрле телләрдә шигырьләр

    Җыр марафоны башлана

    "Это День Победы
    Порохом пропах..."

    Бу юлларны белмәгән кеше юктыр Россиядә. Беренче тапкыр ул 45 ел элек башкарылган. Димәк, быел аның юбилее.


    Татарстанда, Идел буе федераль округының барлык төбәкләрендәге кебек үк, халкыбызның Бөек батырлыгына — Бөек Ватан сугышында Җиңүнең 75 еллыгына багышланган «Безнең Җиңү көне» җыр марафоны старт алды. Халык җыр марафоны бүген Мордовия Республикасында башланды. Бу хакта акцияне оештыручылар хәбәр итә.


    Саранск һәм муниципалитетларның иң танылган иҗат коллективлары, танылган артистлар, яшьләр, волонтерлык һәм патриотик берләшмә вәкилләре республиканың дәүләт телләрендә — рус, мокша һәм эрзә телләрендә «Җиңү көне» җырын башкарды. Эстафета акциянең башка катнашучылары — Идел буе федераль округының күрше төбәкләренә тапшырылды.

    Җыр марафоны төрле төбәкләрдән башкаручыларны зур халык коллективына берләштерүгә юнәлдерелгән. Акциядә катнашучылар, эстафетаны бер-берсенә тапшырып, танылган «Җиңү көне» җырын туган телләрендә башкарачак. Видеога төшерү үз-үзеңне изоляцияләү режимы кертелгәнче үк башланган иде. Һәр төбәк үз видеоязмасын әзерләргә тиеш, аннары алар бер гомуми видеога монтажлана. Клипны интернетта һәркем карый алачак.

    «Җиңү көне» җыры очраклы гына сайланмаган, чөнки патриотик һәм рухи яктан аңардан да көчлерәк берләштерә алган әсәрне сайлап алу кыен. Өстәвенә, «Җиңү көне» җыры өчен дә бу ел юбилей елы. Беренче тапкыр ул 45 ел элек башкарылган.


    Видеороликларны территорияләрнең төбәк каналларында күрсәтәчәкләр. Шулай ук аларны #песнипобедыПФО #нашденьпобеды хештегы буенча социаль челтәрләрдә, шулай ук Youtube-каналларда карарга мөмкин булачак. Радиостанцияләрдә яраткан җырының радиоверсиясен тыңларга мөмкин.


    Масштаблы патриотик акция РФ Президентының Идел буе федераль округындагы Тулы вәкаләтле вәкиле аппараты инициативасы буенча үткәрелә.

    Реклама

    Фото: pixabay.com

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • ИП ПАТЕНТ СИСТЕМАСЫНДА: НӘРСӘ БЕЛЕРГӘ КИРӘК?
    • Газета-журналларга язылган өчен - санаторийга ике юллама
    • Пушкин картасы
    • Милек өчен салымны түләү - 1 декабрьгә кадәр
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!
    • "Язмыш" газетасы