Җырчы рецепты: Ял көненә файдалы тәм-том

Алсу Фазлыева инстаграм битендә шәп рецептлар белән шатландыра. Кайберләрен үзебез дә пешереп, сынап карадык. Мәсәлән, духовкада пешкән шашлык рецепты , чыннан да, искиткеч тәмле һәм пешерергә җиңел рецепт булып чыкты. Инде җырчының менә бу тәм-томын да ясап карыйбызмы?

Кирәк

Алма, кара җимеш, әстерхан чикләвеге, корица.

Әзерләү

Алманың эчен кисеп алабыз. Чикләвек белән җимешне вакылап алмага тутырабыз. Алмаларны 15-20 минутка алдан ук җылытылган духовкага тыгабыз. Зур алмаларны бераз күбрәк тотарга кирәк булачак – 30 минут дигәндә пешеп чыгачак. Әчкелтем алма алсагыз, бераз бал салырга да була.