Ырынбурда татар эшмәкәре коронавирустан вафат булган

Бу турыда хәбәр башта Ватсап мессенджеры аша килде. Аңа ышанмыйча, тизрәк интернеттан рәсми мәгълүматларны эзли башладык.

Чыннан да, 28 март көнне Ырынбур өлкәсенең Бозаулык авылында яшәүче 57 яшьлек эшмәкәр Раил Зариповның вафат булу сәбәбе – коронавирус. Бу турыда аның бертуганы, Яңа Усман авылы башлыгы Айдар Зарипов хәбәр итә. Аның абыйсы Испаниядән Курумоч аэропортына кайта. Аннары Бозаулыкка кадәр - машинада.Аның белән контактка кергән һәркем хәзерге вакытта хастаханәдә. Барысының да анализлары әйбәт. Айдар Зарипов гайбәтләргә ышанмаска өнди.
Раил Зарипов “Байтуган сервис оешмасы”ның  генераль директоры була. Оешма нефть продуктлары белән бәйле. Вирус йоктырганы 19 мартта билгеле була.
Башта Раил Зариповның тәнен кремацияләргә кушалар, соңыннан аны мөселманча, ләкин капланган табутка салырга рөхсәт бирәләр.

Раил Зарипов якыннарының олы кайгысын уртаклашабыз...