Заманча сәнгать галереясында басма графика күргәзмәсе ачыла

7 нче декабрьдә Татарстан Республикасы Дәүләт сынлы сәнгать музееның Заманча сәнгать галереясында «Кеше. Басма һәм уникаль графика» дигән күргәзмә ачылачак, анда республика һәм федераль дәрәҗәдәге мактаулы исемнәр һәм бүләкләр белән бүләкләнгән Татарстанның төрле буын рәссамнары катнаша.

Килүчеләргә Александр Артамонов, Владислав Баранов, Екатерина Васильева, Вера Карасева, Регина Маврина, Андрей Соколов һәм Андрей Шляпкин эшләре тәкъдим ителәчәк, дип хәбәр итә ТР Дәүләт сынлы сәнгать музее матбугат хезмәте 

Рәссамнар табигатьтә һәм социумда кешенең урынын, аның дөньядагы ролен аңлау максатын куялар, шулай ук яшәү мәгънәсен аңларга һәм яссылыктагы һәм киңлектәге образларда үз күзаллауларын белдерергә тырышалар.

Күргәзмә 16:00 сәгатьтә Карл Маркс ур., 57 адресы буенча ачыла. 17:00 гә кадәр – керү ирекле, аннары – билетлар буенча. Экспозиция белән 29 нчы гыйнварга кадәр танышырга мөмкин булачак.

Чыганак: kzn.ru