Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив

    Үзбәкстанда Зифа Кадыйрова әсәре буенча фильм төшерелә?

    31 май-3 июнь көннәрендә ике республика арасында мәдәни алмашу программасы кысаларында Үзбәкстанда Татарстан киносы көннәре үткәрелә.

    Реклама

    Программа кысаларында Татарстан делегациясе Ташкент, Сәмәрканд һәм Бохара шәһәрләрендә Татарстанда төшергән нәфис һәм документаль фильмнарны тәкъдим итәчәк. Үзбәкстан тамашачысына барлыгы биш фильм: «Мулла» (реж. Рамил Фазлыев, Әмир Галиәскәров), «Байгал» (реж. Илдар Ягъфәров), «Эчке Татарстан» (реж. Салават Юзиев), «Хәлимә» (реж. Юлия Захарова), «Ата йорты»  («Отчий дом») (реж. Насур Юрушбаев) күрсәтелә. Шулай ук визит барышында «Татаркино» директоры Миләүшә Айтуганова һәм режиссер, «Мулла»да баш рольне дә уйнаган Рамил Фазлыев тамашачы белән очрашачак.

    Программа соңында, Бохара шәһәрендә Үзбәкстан белән уртак продукция хакында сөйләшүләр булыр, дип көтелә. Сүз Зифа Кадыйрованың «Сагынырсың, мин булмам» бәяны буенча киносценарий турында бара. XV Казан Халыкара мөселман киносы фестивале кысаларында узган кинопроектлар питчингында аны «Бухарийлар» киностудиясе директоры һәм  «Үзбәккино» Милли агентлыгының рәсми вәкиле Олугбек Абдуллаев хуплаган иде. Тимерне, билгеле, кайнарында сугып калырга кирәк. Биргән вәгъдәләр онытыла башлаганчы, барлык мәсьәләләрне килешеп, татар киносын да күрсәтеп кайту файдага гына булыр, дип ышаныйк. Татарстан делегациясенә хәерле сәфәр телибез һәм... шатлыклы хәбәрләр көтәбез.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • ФОТОБӘЙГЕ: «ӘНИЕМНЕ КОТЛАП»
    • ӘДӘБИ МАРАФОН. ФОТОРЕПОРТАЖ
    • БЕЛЕМ ҖӘҮҺӘРЛӘРЕ. ФОТОРЕПОРТАЖ
    • ПОЛИЦИОНЕР. ТИНЧУРИН ТЕАТРЫ
    • "Внесудебное банкротство гражданина"
    • Кышкы язылу өчен бүләк от!
    • ӘДӘБИ СУД. ИДЕЛ.
    • "Единый налоговый платеж"
    • «ИДЕЛ»НЕҢ ИҢ МАТУР ТЫШЛЫГЫ!
    • ИДЕЛ. ЯШЬЛӘР ШУРАСЫ