ЖУРНАЛЫБЫЗ РЕДАКЦИЯСЕННӘН ЯҢА ПРОЕКТ!

Безнең журнал редакциясе «Яңа дулкын» проектын булдырды. Монда яшь җырчылар татар халык җырларын башкарачак.

«Яңа дулкын» каналы - YouTube’тагы уникаль проект. Бу каналдагы видеолар сәләтле кешеләр белән танышу максаты белән эшләнелә. Беренче урында шәхеснең талантын күрсәтү булса, икенче урында - аның визуаль өлеше. Әлеге роликларны караган саен яңа тәэсирләр, яңа эмоцияләр алырга мөмкин.

«Яңа дулкын» — «Tatmedia junior» проекты кысасында барлыкка килде. Аның идея авторы — «Татмедиа» АҖ генераль директоры Шамил Садыйков.

«Заман» - 1916 елда Германиядә немецлар тарафыннан татар әсирләреннән язып алынган язмалар нигезендә барлыкка килгән халык җыры. Аны Abadeli төркеме солисты Адилә Әхмәтова башкара.
Гитарада - Ринат Насыров.