Үзизоляция режимы кайчанга кадәр барачак?

Үзизоляция режимының озынлыгы турында фикер алышулар бара.  РБК чыганаклары хәбәр иткәнчә, мондый режим май бәйрәмнәренә хәтле сузылырга мөмкин.

Кешеләрнең өйдә утыруы коронавирус таралуын туктатып тора ала. Шуңа күрә хакимияттәгеләр үзизоляция режимын май бәйрәмнәренә кадәр озынайтырга ниятли. Шулар  арасындагы өч эш көне дә ял дип игълан ителергә мөмкин. Бу турыда әлеге мәсьәлә турында сөйләшкән чыганакларга сылтама белән РБК хәбәр итә.

Чыганаклар сүзенчә, әлеге юл хакимият тарафыннан иң төп юлларның берсе булып карала.

Шулай ук үзизоляция режимының май уртасына яки хәтта 1 июньгә кадәр сузылу мөмкинлеге дә кире кагылмый.

Чыганак: rbc.ru