Үзизоляция вакытында мәҗлес оештырганнар

Стәрлетамакта клубта 50дән артык ял итүче мәҗлес оештыру сәбәпле, үзизоляция режимын  бозу очрагы теркәлде. Бу хакта "Өмет" газетасы хәбәр итә. 

Бу кичә барышын җәмәгать тәртип саклаучылары белеп калганнар һәм полициягә ярдәм сорап шалтыратканнар. Ләкин  тыелган кичәне оештыручылар законны үзләренчә аңлатырга тырышканнар.

Оешма сакчылары белдерүенчә, үзизоляция карантин астында булганнарга, авыру булганда гына кагылырга тиеш.Әлеге резонанслы хәлгә Эчке эшләр министрлыгының матбугат хезмәте башлыгы Максим Родионов аңлатма бирде:

- Стәрлетамак шәһәренең дежур үзәгендә хәбәр алгач, полиция хезмәткәрләре күрсәтелгән адрес буенча рейдка чыктылар. Күңел ачу оешмасының эшчәнлеге туктатылды. Закон бозу очрагы буенча кирәкле материаллар җыела. Хәзерге вакытта процессуаль карар кабул итү буенча эш алып барыла.

фото: пиксабай.ру