Зөлфәт Зиннуров урманны кисүләренә каршы

Артист, җырчы һәм алып баручы Зөлфәт Зиннуров үзенең инстаграм битендә видео белән уртаклашкан. Биектау районы Күлле авылында урнашкан урман уртасында йорт салдыручылардан зарлана җырчы. «Безнең илдә генә шулай була аладыр инде ул! Болай булгач, моннан соң тегендә дә бүленәчәк инде», - ди Зөлфәт видеода.

Бер йорт салынса, тиздән урманның яртысын кисеп бетерәчәкләр, бу беркем өчен дә сер түгел. Җырчының хисләрен аңларга була, бөтенебез өчен уртак урман җирен сатулары бик күңелсез күренеш.