ТАССР 100 ел
-
«Айфара» төркеме артистларын котлыйбыз!
«Ак каен», «Тулган ай», «Ә бүген синең туй»...Бу җырларны һәрберебез дә белә.
-
Эльмира Кәлимуллинага Татарстанның халык артисты исеме бирелде
«Син бу хакта хыялландыңмы, дип сорасагыз, җавап бирәм – юк, хыялланмадым да.»
-
Алия һәм Ришат Төхвәтуллиннар гаиләсендә шәп яңалык!
Алия һәм Ришат Төхвәтуллиннарның улы туган.
-
«Алтын каләм» конкурсына рәсми старт бирелде
Быел «Алтын каләм – Золотое перо» яшь журналистлар фестивалендә катнашырга барлыгы барлыгы 308 гариза килгән.
МУЗЫКА БЕЛГЕЧЕ, ФОЛЬКЛОРЧЫ ГАЛИМ МӘХМҮТ НИГЪМӘТҖАНОВ ВАФАТ...
4 август көнне музыка белгече, профессор, фольклорчы галим, Татарстанның атказанган сәнгать эшлеклесе, Габдулла Тукай исемендәге Дәүләт бүләге лауреаты, сугыш ветераны Мәхмүт Нигъмәтҗанов вафат булды. Бу мәгълүматны галимнең хатыны Альбина ханым раслады.
Музыка белгече, профессор, фольклорчы галим, Татарстанның атказанган сәнгать эшлеклесе, Габдулла Тукай исемендәге Дәүләт бүләге лауреаты, сугыш ветераны Мәхмүт Нигъмәтҗанов вафат. Бу мәгълүматны галимнең хатыны Альбина ханым раслады.
Мәхмүт Нигъмәтҗановка 90 яшь тулган иде.
«Соңгы атнада хәле бик авыр иде. Бүген төнлә китеп барды. Иртән Осиново бистәсе зиратына җирләдек. Үзе шулай әйтеп калдырды. Ул зиратта минем әниләр җирләнгән», — диде галимнең тормыш иптәше.
Мәхмүт Нигъмәтҗанов — татар халык көйләрен өйрәнүгә гомерен багышлаган галим. Казан музыка училищесенда укыта. Галимҗан Ибраһимов исемендәге Тел, әдәбият һәм сәнгать институтының фәнни хезмәткәре буларак (1960-67, 1974-84 еллар), татар фольклоры буенча экспедицияләргә йөри.
1967–1973 елларда Габдулла Тукай исемендәге Татар дәүләт филармониясенең сәнгать җитәкчесе була. 1984-2003 елларда — Казан педагогика университетының татар музыкасы һәм халык музыка уен кораллары кафедрасы мөдире.
2017 елда галимнең «Милләтем чын сәнгатькә лаек» диеп аталган зур күләмле хезмәте дөнья күрде.
Чыганак: tatar-inform.tatar
«Идел» журналы 16+
Следите за самым важным и интересным в Telegram-каналеТатмедиа
Нет комментариев