Логотип Идель
Язмалар

Авылдагы 18 йорт янып беткән. Коры үләнгә ут төрткәннәр...

«Кемдер коры үләнгә ут төрткән, ә җил шундый каты»

Кемерово өлкәсенең Ижмор районындагы Постниково авылында берьюлы унсигез йорт янып беткән. Ут чолгап алган авылны йөзләрчә кеше һәм егермеләп махсус техника, шул исәптән бер вертолет саклап калырга тырышкан. Бу турыда «Вести» каналы хәбәр итте.

Фаҗигане шаһитлар видеога төшереп алган. «Кемдер коры үләнгә ут төрткән, ә җил шундый каты», — дип сөйли видеодагы ир-ат тавышы.

Постниково авылында яшәүче 36 кеше йорт-җирсез калган, аларның унөче балалар. Өлкә губернаторы бу кешеләргә ярдәм итәргә йөкләмә биргән. 

Хәзерге вакытта аларны мәктәп-интернат бинасына урнаштырып торганнар, ашаталар һәм йокы урыннары әзерләнгән. 

Имгәнүче кешеләр юк. Янгын сәбәпләре ачыклана.

Чыганак: https://intertat.tatar/

Текст после содержания указынный в настройках

«Идел» журналы 16+

Следите за самым важным и интересным в Telegram-каналеТатмедиа

Нет комментариев